വിവാഹപാര്‍ട്ടിയെ തടഞ്ഞ് പുതിയാപ്ലയെ പോലീസ് പൊക്കി
Sep 3, 2012, 19:55 IST
രണ്ടാംഭാര്യ നല്‍കിയ പരാതിയെ തുടര്‍ന്നാണ് പോലീസ് അഷ്‌റഫിനെ വിവാഹ സംഘത്തോടൊപ്പം പോകുമ്പോള്‍ പിടികൂടിയത്. നേരത്തെ പുത്തൂര്‍, സകലേഷ്പുരം എന്നിവിടങ്ങളില്‍ നിന്നായി രണ്ടു കല്യാണം കഴിച്ചിട്ടുള്ള അഷ്‌റഫ് ഒരുമാസം മുമ്പാണ് ബദിയഡുക്ക ബാറടുക്കയ്ക്കു സമീപത്തുള്ള ഒരു നിര്‍ധന യുവതിയെ പെണ്ണുകാണാന്‍ എത്തിയത്.
സ്വര്‍ണം ചോദിച്ചു വാങ്ങാത്തതിനാല്‍ വീട്ടുകാര്‍ വിവാഹത്തിനു സന്നദ്ധരായി. ഞായറാഴ്ചയാണ് വിവാഹം നടന്നത്. നാട്ടുകാരുടെയും ബന്ധുക്കളുടെയും സാന്നിധ്യത്തിലായിരുന്നു വിവാഹം. വിവാഹത്തിന് ശേഷം രണ്ട് ടാറ്റാ സുമോകളില്‍ എത്തിയ കല്യാണപാര്‍ട്ടി തിരികെ സകലേഷ്പുരത്തേക്ക് യാത്രയാവുകയായിരുന്നു.
ഇതിനിടയിലാണ് ഭര്‍ത്താവ് മറ്റൊരു വിവാഹം കഴിക്കുന്നുവെന്ന പരാതി രണ്ടാംഭാര്യയായ സകലേഷ്പുര സ്വദേശിനി പോലീസില്‍ നല്‍കിയത്. ഇതെ തുടര്‍ന്നാണ് മണവാട്ടിയെയും കൊണ്ട് മടങ്ങിയ അഷ്‌റഫിനെ പോലീസ് കാര്‍ തടഞ്ഞുനിര്‍ത്തി പൊക്കിയത്. അഷ്‌റഫിനെ വിശദമായി ചോദ്യം ചെയ്തുവരികയാണ്.
Keywords: Marriage, Police, Wife, Arrest, Badiyadukka, Gold, Car, Kerala, Kasaragod, Groom
Tags
Share this story
