കോടതിയില്‍ ഹാജരാകാനെത്തുന്ന പ്രതികള്‍ക്ക് വില്‍പന നടത്താനെന്ന് സംശയം; കഞ്ചാവുമായി യുവാവ് അറസ്റ്റില്‍

By Web Desk - MainAug 28, 2019, 18:54 IST

വിദ്യാനഗര്‍: (www.kasargodvartha.com 28.08.2019) കോടതി പരിസരത്ത് വെച്ച് കഞ്ചാവുമായി യുവാവിനെ പോലീസ് അറസ്റ്റു ചെയ്തു. ഉളിയത്തടുക്ക എസ് പി നഗറിലെ മൊയ്തു എന്ന മൊയ്തീനെ (23)യാണ് വിദ്യാനഗര്‍ എസ് ഐ യു പി വിപിന്റെ നേതൃത്വത്തിലുള്ള പോലീസ് സംഘം അറസ്റ്റു ചെയ്തത്. ഇയാളില്‍ നിന്നും 32.5 ഗ്രാം കഞ്ചാവ് പിടിച്ചെടുത്തു.

കോടതിയില്‍ ഹാജരാവുന്ന പ്രതികള്‍ക്ക് വില്‍പന നടത്താനാണ് കഞ്ചാവ് കൊണ്ടുവന്നതെന്നാണ് പോലീസ് സംശയിക്കുന്നത്. മറ്റു ചില കേസുകളിലും മൊയ്തീന്‍ പ്രതിയാണെന്ന് പോലീസ് അറിയിച്ചു.