കഞ്ചാവ് നിറച്ച സിഗരറ്റ് വലിച്ച യുവാവ് പിടിയില്‍

By Web Desk - MainMar 27, 2018, 19:38 IST

കാഞ്ഞങ്ങാട്: (www.kasargodvartha.com 27.03.2018) കഞ്ചാവ് നിറച്ച സിഗരറ്റ് വലിക്കുന്നതിനിടയില്‍ യുവാവ് പോലീസ് പിടിയിലായി. പടന്നക്കാട്ടെ തമീമിനെ (25)യാണ് ഹൊസ്ദുര്‍ഗ് എസ്ഐ പി വിജയന്‍ പിടികൂടിയത്. തിങ്കളാഴ്ച പടന്നക്കാട് പട്രോളിങ്ങിനിടയില്‍ റോഡരികില്‍ പുകവലിച്ചുകൊണ്ടിരിക്കുകയായിരുന്ന തമീമിനെ പിടികൂടിയപ്പോഴാണ് സിഗരറ്റില്‍ കഞ്ചാവ് നിറച്ച് പുകവലിക്കുന്നതായി കണ്ടത്.

കൂടാതെ ഇയാളുടെ കയ്യില്‍ നിന്നും അഞ്ചു ഗ്രാം കഞ്ചാവും പിടിച്ചെടുത്തു. നഗരത്തിന്റെ ചില ഭാഗങ്ങളില്‍ കേന്ദ്രീകരിച്ച് കഞ്ചാവ് വില്‍പ്പന രൂക്ഷമായതോടെ പോലീസ് അന്വേഷണം വ്യാപകമാക്കിയിട്ടുണ്ട്. അന്വേഷണത്തിനിടയിലാണ് പടന്നക്കാട് വെച്ച് തമീം പോലീസ് പിടിയിലായത്.