യുവാവ് റോഡരികില്‍ മരിച്ച നിലയില്‍

കുണ്ടംകുഴി: (www.kasargodvartha.com 01.06.2014) 33 കാരനെ റോഡരികില്‍ മരിച്ച നിലയില്‍ കണ്ടെത്തി. കുണ്ടംകുഴി പെര്‍ളത്തെ ചന്ദ്രഹാസനെയാണ് ശനിയാഴ്ച ഉച്ചയ്ക്ക് കുണ്ടംകുഴി ഹയര്‍സെക്കണ്ടറി സ്‌കൂളിനടുത്ത സ്വകാര്യ പറമ്പിലെ റോഡില്‍ മരിച്ച നിലയില്‍ കണ്ടെത്തിയത്. ശനിയാഴ്ച രാവിലെ ഇയാളെ അവശനിലയില്‍ റോഡരികില്‍ കിടക്കുന്നത് നാട്ടുകാര്‍ കണ്ടെത്തിയിരുന്നു.

ഉച്ചയ്ക്ക് ആശുപത്രിയിലേക്ക് കൊണ്ടു പോകാന്‍ ശ്രമിക്കുമ്പോഴാണ് മരിച്ചത് അറിഞ്ഞത്. അമിത മദ്യപാനം മൂലമാണ് മരണമെന്ന് സംശയിക്കുന്നു. കൂലിപ്പണിക്കാരനായ ചന്ദ്രഹാസന്‍ അവിവാഹിതനാണ്. പരേതനായ കൃഷ്ണയ്യ-ശാരദ ദമ്പതികളുടെ മകനാണ്. സഹോദരങ്ങള്‍: നാഗാര്‍ജുന, ചന്ദ്രാവതി, ശശികല.