മാങ്ങാട്ട് യൂത്ത് കോണ്‍ഗ്രസ് പ്രവര്ത്തകന് കുത്തേറ്റു
Oct 9, 2013, 21:00 IST
ഉദുമ: രാഷ്ട്രീയ സംഘര്‍ഷം നിലനില്‍ക്കുന്ന മാങ്ങാട് യൂത്ത് കോണ്‍ഗ്രസ് പ്രവര്ത്തകന് കുത്തേറ്റു. ഉദുമ മേല്‍ ബാരയിലെ രാമന്റെ മകനും തേപ്പ് മേസ്തിരിയുമായ കെ. സുരേഷി (33)നാണ് കുത്തേറ്റത്.
ഡി.വൈ.എഫ്.ഐ പ്രവര്‍ത്തകരായ മാങ്ങാട്ടെ മഹേഷ്, ബാബു, പ്രഭു എന്നിവര്‍ ചേര്‍ന്നാണ് സുരേഷിനെ കുത്തിയത്. ബുധനാഴ്ച വൈകിട്ട് മൂന്നു മണിയോടെയാണ് സംഭവം. മാങ്ങാട് മില്ലിന് സമീപത്തെ കെട്ടിടത്തിന്റെ ഒന്നാം നിലയില്‍ പണിസാധനങ്ങള്‍ സൂക്ഷിക്കുന്ന വാടകമുറിയില്‍ സാധനം കൊണ്ടുവെക്കാന്‍ പോയ സുരേഷിനെ മൂന്നംഗ സംഘം ബിയര്‍ കുപ്പി കൊണ്ട് മുഖത്ത് കുത്തുകയായിരുന്നു. ചുണ്ടിനും കണ്ണിന് സമീപവുമാണ് കുത്തേറ്റത്. സുരേഷ് നിലവിളിച്ചപ്പോള്‍ പ്രതികള്‍ ഓടിരക്ഷപ്പെടുകയായിരുന്നു.
കുത്തേറ്റു വീണ സുരേഷിനെ നാട്ടുകാര്‍ കാസര്‍കോട്ടെ സ്വകാര്യ ആശുപത്രിയില്‍ പ്രവേശിപ്പിച്ചു. പെയ്ന്റിംഗ് തൊഴിലാളിയാണ് പ്രതികളിലൊരാളായ മഹേഷ്. വിവരമറിഞ്ഞ് ബേക്കല്‍ പോലീസും മാങ്ങാട് ക്യാമ്പ് ചെയ്യുന്ന പോലീസ് സംഘവും സ്ഥലത്തെത്തി അന്വേഷണം ആരംഭിച്ചു.
യൂത്ത് കോണ്‍ഗ്രസ് മുന്‍ ബൂത്ത് പ്രസിഡണ്ടാണ് കുത്തേറ്റ സുരേഷ്. രാഷ്ട്രീയ വൈരാഗ്യമാണ് അക്രമത്തിന് പിന്നിലെന്നാണ് വിവരം.
Also Read: പാറാട് യുവാക്കള്‍ ബോംബ് നിര്‍മിച്ചത് എ.പി വിഭാഗം പ്രവര്‍ത്തകരെ ലക്ഷ്യമിട്ട്; 4 പേര്‍ റിമാന്‍ഡില്‍
മാങ്ങാട് സി.പി.എം പ്രവര്ത്തകന് കുത്തേറ്റു മരിച്ചു; ജില്ലയില്‍ ചൊവ്വാഴ്ച ഹര്‍ത്താല്‍
Keywords : Kasaragod, Mangad, Hospital, Injured, Kerala, Stabbed, Bara, Malayalam News, National News, Kerala News, International News, Sports News, Entertainment, Stock News. current top stories, photo galleries, Top Breaking News on Politics and Current Affairs in India & around the World, discussions, interviews and more.
Advertisement:
Tags
Share this story
