യൂത്ത് കോണ്‍ഗ്രസ് നേതാവിനെ വഴിയില്‍ പതിയിരുന്ന സംഘം ആക്രമിച്ചു

കാസര്‍കോട്: രാത്രി വീട്ടിലേക്ക് നടന്നുപോവുകയായിരുന്ന കോണ്‍ഗ്രസ് നേതാവായ ഓട്ടോഡ്രൈവറെ ഒരു സംഘം വഴിയില്‍ തടഞ്ഞുനിര്‍ത്തി ഇരുമ്പ് വടികൊണ്ട് തലക്കടിച്ച് പരിക്കേല്‍പിച്ചു. യൂത്ത്‌കോണ്‍ഗ്ര്‌സ ഉദുമ മണ്ഡലം വൈസ് പ്രസിഡന്റ് കരിച്ചേരിയിലെ ഉണ്ണികൃഷ്ണനെ (28) യാണ് ആക്രമിച്ചത്.

വ്യാഴാഴ്ച രാത്രി 9.30 മണിയോടെയാണ് സംഭവം. തലയ്ക്ക് മാരകമായി പരിക്കേറ്റ ഉണ്ണികൃഷ്ണന്‍ കാസര്‍കോട് ജനറല്‍ ആശുപത്രിയില്‍ ചികിത്സയിലാണ്. വീട്ടിലേക്ക് നടന്നുപോകുന്ന വഴിയരികിലെ കുറ്റിക്കാട്ടില്‍ പതിയിരിക്കുകയായിരുന്ന അക്രമികള്‍ ഉണ്ണികൃഷ്ണനെ കണ്ടപ്പോള്‍ മുന്നിലേക്ക് ചാടിവീഴുകയും ഇരുമ്പ് വടികൊണ്ട് തലയ്ക്കടിച്ച് സ്ഥലംവിടുകയുമായിരുന്നു.


അക്രമികള്‍ സി.പി.എം. പ്രവര്‍ത്തകരാണെന്ന് ഉണ്ണികൃഷ്ണന്‍ ആരോപിച്ചു. കഴിഞ്ഞദിവസം പ്രദേശത്ത് കോണ്‍ഗ്രസ് കൊടിമരം നശിപ്പിച്ചിരുന്നു. ഈ സംഭവത്തില്‍ ഒരു സി.പി.എം. പ്രവര്‍ത്തകനെ കൈയോടെ പിടികൂടിയിരുന്നു. ഇതിന്റെ വൈരാഗ്യമാണ് അക്രമണത്തിന് പിന്നിലെന്ന് ഉണ്ണികൃഷ്ണന്‍ പറയുന്നു.

Also read:
മുസ്ലിം ലീഗിനു കാസര്‍കോട് ലോക്‌സഭാ സീറ്റ് കൂടി; വയനാട്ടില്‍ ഷാനവാസ് തന്നെ
Keywords: Youth Congress Leader, Assault, Auto Driver, CPM, Attack, Injured, Hospital, Malayalam News, National News, Kerala News, International News, Sports News, Entertainment, Stock News. current top stories, photo galleries, Top Breaking News on Politics and Current Affairs in India & around the World, discussions, interviews and more.