സ്­കൂട്ടറില്‍ പോവുകയായിരുന്ന യുവാവിനെ അക്രമിച്ച് പണം കവര്‍­ന്നു

കാസര്‍കോട്: സ്­കൂട്ടറില്‍ പോവുകയായിരുന്ന യുവാവിനെ ഒരു സംഘം അക്രമിച്ച് പണം കവര്‍ന്നു. തളങ്കര കേകേപുറം സ്വദേശിയും കാഞ്ഞങ്ങാട് സ്വകാര്യ സോഫ്റ്റ് കൂള്‍ഡ്രിഗ്‌­സ് കടയിലെ ജീവനക്കാരനുമായ അബ്ദുല്‍ അന്‍വറി (26)നെയാണ് അക്രമിച്ചത്. ഇയാളെ ജനറല്‍ ആശുപത്രിയില്‍ പ്രവേശിപ്പിച്ചു. ചൊവ്വാഴ്ച രാ­ത്രി 11 മണിക്ക് കടയില്‍ നിന്നും സാധനങ്ങള്‍ വാങ്ങി ആക്ടീവ സ്­കൂട്ടറില്‍ പോകുമ്പോള്‍ തളങ്കര കുന്നില്‍ ഒരു സംഘം തടയുകയും, അക്രമിക്കുകയായിരുന്നെന്ന് അന്‍വര്‍ പറഞ്ഞു. കൈയ്യിലുണ്ടായിരുന്ന 12,600 രൂപയും കവര്‍ന്നതായും അന്‍വര്‍ പരാതിപ്പെട്ടു.
സംഭവത്തില്‍ സോഡ ആന്റ് സോഫ്റ്റ് കൂള്‍ഡ്രിംഗ്‌­സ് മാനുഫാക്ടറിംഗ് അസോസിയേഷന്‍ ജില്ലാ പ്രസിഡണ്ട് എ വി ശശിധരന്‍ പ്രതിഷേധി­ച്ചു.