യുവാവിനെ വാഹനം തടഞ്ഞു നിര്‍ത്തി ആക്രമിച്ചു

By Web Desk - MainMay 19, 2018, 10:33 IST

ഉപ്പള: (www.kasargodvartha.com 19.05.2018) യുവാവിനെ വാഹനം തടഞ്ഞു നിര്‍ത്തി ആക്രമിച്ചു. ഉപ്പള ബന്തിയോട് സുബ്ബയ്യക്കട്ട സ്വദേശിയും പിക്കപ്പ് ഡ്രൈവറുമായ റഫീഖിനെ (28)യാണ് ധര്‍മത്തടുക്ക കണിയാളത്ത് വെച്ച് വാഹനം തടഞ്ഞു നിര്‍ത്തി ആക്രമിച്ചു പരിക്കേല്‍പ്പിച്ചത്. തലക്കും കാലിനും പരിക്കേറ്റ റഫീഖിനെ കുമ്പള സഹകരണ ആശുപത്രിയില്‍ പ്രവേശിപ്പിച്ചു.

ഖലീലിന്റെ നേതൃത്വത്തില്‍ ആറംഗ സംഘമാണ് വടിവാളും സൈക്കിള്‍ ചൈനുമായെത്തി ആക്രമിച്ചതെന്ന് റഫീഖ് പരാതിപ്പെട്ടു. ശബ്ദം കേട്ടു ആളുകള്‍ എത്തിയപ്പോഴേക്കും അക്രമികള്‍ ഓടിമറയുകയായിരുന്നുവെന്നും റഫീഖ് പറഞ്ഞു. സംഭവം സംബന്ധിച്ച് മഞ്ചേശ്വരം പോലീസില്‍ പരാതി നല്‍കിയിട്ടുണ്ട്.