എക്‌സൈസ് അരക്കിലോ കഞ്ചാവുമായി അറസ്റ്റ് ചെയ്ത യുവാവിനെ പോലീസും അരക്കിലോ കഞ്ചാവുമായി വീണ്ടും അറസ്റ്റ് ചെയ്തു

By Webdesk ViMay 22, 2017, 12:36 IST

കാസര്‍കോട്: (www.kasargodvartha.com 22/05/2017) ഒരു ദിവസം മുമ്പ് എക്‌സൈസ് അരക്കിലോ കഞ്ചാവുമായി അറസ്റ്റ് ചെയ്ത യുവാവിനെ പോലീസും അരക്കിലോ കഞ്ചാവുമായി വീണ്ടും അറസ്റ്റ് ചെയ്തു. ഉപ്പള സ്വദേശിയും മധൂര്‍ കുഞ്ചാര്‍ താമസക്കാരനുമായ മുഹമ്മദ് ഫാറൂഖി(36)നെയാണ് വിദ്യാനഗര്‍ പോലീസ് അറസ്റ്റ് ചെയ്തത്.

ഞാറാഴ്ച രാത്രി 8.30 മണിയോടെ കുഞ്ചാറില്‍ പ്ലാസ്റ്റിക് കവറില്‍ സൂക്ഷിച്ച അരക്കിലോ കഞ്ചാവുമായാണ് പോലീസ് ഇയാളെ അറസ്റ്റ് ചെയ്യുകയായിരുന്നു. ഒരു ദിവസം മുമ്പ് കാസര്‍കോട് എക്‌സൈസ് ഇന്റലിജന്‍സ് വിഭാഗം ഫാറൂഖിനെ അരക്കിലോ കഞ്ചാവുമായി അറസ്റ്റ് ചെയ്തിരുന്നു.

എക്‌സൈസ് അരക്കിലോ കഞ്ചാവുമായി അറസ്റ്റ് ചെയ്ത യുവാവിനെ പോലീസും അരക്കിലോ കഞ്ചാവുമായി വീണ്ടും അറസ്റ്റ് ചെയ്തു

കഞ്ചാവിന്റെ അളവ് ഒരു കിലോ ഇല്ലാത്തതിനാല്‍ ഫാറൂഖിനെ ജാമ്യത്തില്‍ വിടുകയായിരുന്നു. ഇതിന് തൊട്ടുപിന്നാലെയാണ് അരക്കിലോ കഞ്ചാവ് വില്‍പന നടത്താന്‍ കൊണ്ടുപോകുമ്പോഴാണ് പോലീസ് സംഘം ഇയാളെ പിടികൂടിയത്. എക്‌സൈസിന്റെ കഞ്ചാവ് വേട്ടയ്ക്ക് ഐ ബി ഇന്‍സ്‌പെക്ടര്‍ അജയകുമാര്‍, ശ്രീജിത് വാഴയില്‍, വി സന്തോഷ് കുമാര്‍, വി വി സന്തോഷ്‌കുമാര്‍ എന്നിവര്‍ നേതൃത്വം നല്‍കി.

എക്‌സൈസ് ഇന്റലിജന്‍സ് വിഭാഗം ഫാറൂഖിനെ കഞ്ചാവുമായി അറസ്റ്റ് ചെയ്തപ്പോള്‍