കുഞ്ചത്തൂരില്‍ വില്‍പ്പനക്കു കൊണ്ടുവന്ന ലഹരിഗുളികകളുമായി യുവാവ് അറസ്റ്റില്‍

മഞ്ചേശ്വരം: (www.kasargodvartha.com 16.03.2017) കുഞ്ചത്തൂരില്‍ വില്‍പ്പനക്കു കൊണ്ടുവന്ന ലഹരി ഗുളികകളുമായി യുവാവിനെ പോലീസ് അറസ്റ്റ് ചെയ്തു. കുഞ്ചത്തൂരിലെ അഫ്സല്‍ അലി(30)യെയാണ് മഞ്ചേശ്വരം പോലീസ് അറസ്റ്റ് ചെയ്തത്.

ബുധനാഴ്ച രാത്രി 8 മണിയോടെ കുഞ്ചത്തൂര്‍ മാട ബസ് വെയ്റ്റിംഗ് ഷെഡില്‍ സംശയസാഹചര്യത്തില്‍ സഞ്ചിയുമായി ഇരിക്കുകയായിരുന്ന അഫ്സലിനെ പട്രോളിംഗ് നടത്തുകയായിരുന്ന പോലീസ് സംഘം ചോദ്യം ചെയ്തപ്പോള്‍ പരസ്പരവിരുദ്ധമായ മറുപടിയാണ് നല്‍കിയത്. തുടര്‍ന്ന് പോലീസ് സഞ്ചി പരിശോധിച്ചപ്പോള്‍ മൂന്നുപാക്കറ്റ് ലഹരി ഗുളികകള്‍ കണ്ടെത്തുകയായിരുന്നു.


ഗുളികകള്‍ പിടിച്ചെടുത്ത പോലീസ് അഫ്സലിനെ അറസ്റ്റ് ചെയ്തു. കാസര്‍കോട് ജില്ലയിലെ വിവിധ ഭാഗങ്ങളില്‍ ലഹരിഗുളികകള്‍ വില്‍ക്കുന്ന സംഘം സജീവമാവുകയാണ്. ചില മെഡിക്കല്‍ കോളജുകള്‍ കേന്ദ്രീകരിച്ചും മയക്കുഗുളികകള്‍ വില്‍പ്പന നടത്തുന്നുണ്ട്.

(ശ്രദ്ധിക്കുക: ഗൾഫ് - വിനോദം - ടെക്നോളജി - സാമ്പത്തികം- പ്രധാന അറിയിപ്പുകൾ-വിദ്യാഭ്യാസം-തൊഴിൽ വിശേഷങ്ങൾ ഉൾപ്പെടെ മലയാളം വാർത്തകൾ നിങ്ങളുടെ മൊബൈലിൽ ലഭിക്കാൻ കെവാർത്തയുടെ പുതിയ ആൻഡ്രോയിഡ് ആപ്പ് ഇവിടെ ക്ലിക്ക് ചെയ്ത് ഡൗൺലോഡ് ചെയ്യുക. ഉപയോഗിക്കാനും ഷെയർ ചെയ്യാനും എളുപ്പം 😊)

Keywords: Kasaragod, Manjeshwaram, Kunjathur, Youth, Arrest, Police, Medical College, Narcotic pills, Bus waiting shed, Patrolling, Youth arrested with alchoholic pill.