ഗള്‍ഫിലുള്ള മകന്റെ പേരില്‍ സ്വര്‍ണാഭരണം തട്ടിയ യുവാവ് അറസ്റ്റില്‍
Aug 18, 2012, 23:34 IST
സ്വാതന്ത്ര്യ ദിനത്തില്‍ ഉച്ചയോടെ വിദ്യാനഗറില്‍വെച്ചാണ് ആലംപാടി മുട്ടത്തൊടിയിലെ മമ്മു ഹാജിയുടെ ഭാര്യ ആഇഷാബി(72)യെ ഓട്ടോയിലെത്തിയ രണ്ടംഗ സംഘം ഗള്‍ഫിലുള്ള മകന്‍ ഹകീമിന്റെ സുഹൃത്തുകളാണെന്ന് പരിചയപ്പെടുത്തി സ്വര്‍ണകമ്മല്‍ തട്ടിയെടുത്തത്.
ഹകീമിന്റെ സ്പൊണ്‍സറായ അറബി ഗള്‍ഫില്‍ നിന്ന് 10 പവന്‍ സ്വര്‍ണം കൊടുത്തച്ചയച്ചിട്ടുണ്ടെന്നും ഇത് കൈപ്പറ്റണമെങ്കില്‍ വിദ്യാനഗറില്‍ എത്തണമെന്ന് അബ്ദുല്‍ സലാമും ഇവരുടെ സുഹൃത്ത് ഉപ്പളയിലെ മുസ്തഫയും അറിയിച്ചിരുന്നു. ഇതിന്റെ അടിസ്ഥാനത്തില്‍ കലക്ടറേറ്റ് പരിസരത്തെത്തിയ ആഇഷാബിയെ ഓട്ടോയില്‍കയറ്റി കളക്ടറേറ്റ് വളപ്പില്‍ കൊണ്ടുപോവുകായായിരുന്നു. അയച്ച സ്വര്‍ണം കൂടുതലാണെന്നും പത്ത് പവന്‍ തിട്ടപ്പെടുത്തുന്നതിനായി കാതിലുള്ള കമ്മല്‍ നല്‍കണമെന്നും പറഞ്ഞുവത്രെ. കമ്മലെടുത്ത് കൊടുത്ത ശേഷം ആയിഷാബിയെ സംഘം തന്ത്രപരമായി ഓട്ടോയില്‍ നിന്നിറക്കികടന്നുകളയുകയായിരുന്നു.
ഇതിനിടയില്‍ വിദ്യാനഗര്‍ എ.ടി.എം. കൗണ്ടറിനടുത്തവെച്ച് പണമെടുക്കാനെത്തിയ ഷാനി എന്നയാള്‍ കരഞ്ഞുകൊണ്ടുനില്‍ക്കുന്ന ആഇശാബിയോട് കാര്യം തിരക്കുകയായിരുന്നു. തന്റെ ഒന്നരപവന്റെ മാല ഓട്ടോയില്‍ പോയവര്‍ കൊണ്ടുപോയെന്ന് അറിയിച്ചപ്പോള്‍ ഷാനി ഓട്ടോയുടെ നമ്പര്‍ കുറിച്ചെടുക്കുകയും ആഇഷാബിയെയുംകൊണ്ട് വിദ്യാനഗര്‍ പോലീസിലെത്തി പരാതിനല്‍കുകയുമായിരുന്നു. ഓട്ടോയുടെ നമ്പര്‍ മനസ്സിലാക്കിയാണ് പ്രതിയെ പിടികൂടിയത്. പ്രതിയെ ശനിയാഴ്ച വൈകിട്ട് കാസര്‍കോട് കോടതിയില്‍ ഹാജരാക്കുമെന്ന് പോലീസ് പറഞ്ഞു. ഇത്തരത്തില്‍ നടന്ന പലതട്ടിപ്പുകള്‍ക്കും പിന്നില്‍ അബ്ദുല്‍ സലാമിനും മുസ്തഫയ്ക്കും പങ്കുണ്ടോ എന്നും പോലീസ് അന്വേഷിക്കുന്നുണ്ട്.
Keywords: Kasaragod, Friends, Gold, Cheating, Kerala, Abdul Salam
Tags
Share this story
