ജനരക്ഷാ യാത്രയില്‍ പങ്കെടുക്കാന്‍ യോഗി ആദിത്യനാഥ് കാസര്‍കോട്ടെത്തി; പഞ്ചനക്ഷത്ര ഹോട്ടലില്‍ വിശ്രമിച്ച ശേഷം പിന്നീട് യാത്രപുറപ്പെട്ടു

കാസര്‍കോട്: (www.kasargodvartha.com 04.10.2017) ബിജെപി ദേശീയ അധ്യക്ഷന്‍ അമിത്ഷാ പങ്കെടുക്കുന്ന ജനരക്ഷാ യാത്രയില്‍ സംബന്ധിക്കാന്‍ യു.പി മുഖ്യമന്ത്രി യോഗി ആദിത്യനാഥ് കാസര്‍കോട്ടെത്തി. ബേക്കലിലെ പഞ്ചനക്ഷത്ര ഹോട്ടലായ താജ് വിവന്ദയിലാണ് യോഗി ആദിത്യനാഥെത്തിയത്.

ബുധനാഴ്ച പുലര്‍ച്ചെ മൂന്നു മണിയോടെ മംഗളൂരു വിമാനത്താവളത്തില്‍ ഇറങ്ങിയ അദ്ദേഹം കാര്‍ മാര്‍ഗമാണ് താജ്‌ഹോട്ടലിലെത്തിയത്. ബിജെപി സംസ്ഥാന പ്രസിഡണ്ട് കുമ്മനം രാജശേഖരന്‍, ബിജെപി ജില്ലാ പ്രസിഡണ്ട് അഡ്വ. കെ. ശ്രീകാന്ത്, ജനറല്‍ സെക്രട്ടറി എ. വേലായുധന്‍ എന്നിവര്‍ ചേര്‍ന്ന് ആദിത്യനാഥിനെ സ്വീകരിച്ചു.



താജ് ഹോട്ടലില്‍ കുറച്ചുസമയം വിശ്രമിച്ച ശേഷം രാവിലെ 9.30 മണിയോടെ ആദിത്യനാഥ് ജനരക്ഷാ യാത്രയില്‍ പങ്കെടുക്കുന്നതിനായി കാര്‍ മാര്‍ഗം പയ്യന്നൂര്‍ പിലാത്തറയിലേക്ക് പുറപ്പെട്ടു.