എന്ഡോസള്ഫാന് പുനരധിവാസം: ദേശീയ ശില്‍പശാല 21ന് തുടങ്ങും
Jul 18, 2012, 13:56 IST
ജുലൈ 21, 22 തീയ്യതികളില്‍ വിവിധ സെക്ഷനുകളായാണ് ശില്‍പശാല സംഘടിപ്പിക്കുക.
മുഖ്യമന്ത്രി ഉമ്മന്‍ചാണ്ടി പരിപാടി ഉദ്ഘാടനം ചെയ്യും. അക്കാദമിക് സെക്ഷനില്‍ ന്യൂഡല്‍ഹിയിലെ സെന്റര്‍ ഫോര്‍ സയന്‍സ് ആന്റ് എന്‍വിറോണ്‍മെന്റ് ഡയറക്ടര്‍ പത്മശ്രീ സുനിതാ നരായണന്‍ മുഖ്യപ്രഭാഷണം നടത്തും.
കൃഷിമന്ത്രി കെ പി മോഹനന്‍ ശില്‍പ്പശാല രേഖ പ്രകാശനം ചെയ്യും. ആരോഗ്യമന്ത്രി വി എസ് ശിവകുമാര്‍ എന്‍ ആര്‍ എച്ച് എം 2012 പദ്ധതിയുടെ സമര്‍പ്പണം നടത്തും. എം എല്‍ എ മാരായ എന്‍. എ നെല്ലിക്കുന്ന്, കെ കുഞ്ഞിരാമന്‍, ഇ ചന്ദ്രശേഖരന്‍, പി. ബി അബ്ദുല്‍റസാഖ്, കെ കുഞ്ഞിരാമന്‍ (ഉദുമ), മുന്‍ മന്ത്രിമാരായ സി ടി അഹമ്മദലി, ചെര്‍ക്കളം അബ്ദുല്ല തുടങ്ങിയവര്‍ സംബന്ധിക്കും. പി കരുണാകരന്‍ എം പി അധ്യക്ഷത വഹിക്കും.
22 നു രാവിലെ ഒമ്പതുമണിമുതല്‍ സമാന്തര സെക്ഷനുകളുടെ തുടര്‍ച്ച. വൈകുന്നേരം മൂന്നുമണിക്ക് സമാപന സമ്മേളനം പഞ്ചായത്ത് സാമുഹ്യക്ഷേമ വകുപ്പ് മന്ത്രി എം കെ മുനീര്‍ ഉദ്ഘാടനം ചെയ്യും. കൃഷി മന്ത്രി കെ പി മോഹനന്‍ കാസര്‍കോട് പ്രഖ്യാപന രേഖ ഏറ്റുവാങ്ങും. എന്‍ എ നെല്ലിക്കുന്ന് എം എല്‍ എ അധ്യക്ഷത വഹിക്കും. ലേഖന മത്സരത്തിലെ വിജയികള്‍ക്ക് ജില്ലാ പഞ്ചായത്ത് പ്രസിഡണ്ട് അഡ്വ. പി പി ശ്യാമളാദേവി സമ്മാനദാനം നിര്‍വ്വഹിക്കും.
എന്ഡോസള്ഫാന് ഇരയായവരുടെ ഭാവി പരിപാടികള്‍ക്ക് വ്യക്തമായ രൂപരേഖ തയ്യാറാക്കുകയും വിവിധ പുനരധിവാസ പരിപാടികളുടെ ഏകീകരണവുമാണ് ശില്‍പശാലയുടെ ലക്ഷ്യമെന്ന് സംഘാടക സമിതി ചെയര്‍മാന്‍ പി. കരുണാകരന്‍ എം.പി വാര്‍ത്താസമ്മേളനത്തില്‍ അറിയിച്ചു.
വാര്‍ത്താസമ്മേളനത്തില്‍ എം.പി പി. കരുണാകരനോടൊപ്പം ജില്ലാ പഞ്ചായത്ത് പ്രസിഡന്റ് അഡ്വ. പി പി ശ്യാമളാദേവി, ജില്ലാ കലക്ടര്‍ വി എന്‍ ജിതേന്ദ്രന്‍, നഗരസഭാ ചെയര്‍മാന്‍ ടി. ഇ അബ്ദുല്ല, ജില്ലാ പഞ്ചായത്തംഗങ്ങളായ പാദൂര്‍ കുഞ്ഞാമു ഹാജി, പ്രമീള സി നായ്ക്ക് എന്നിവരും സംബന്ധിച്ചു.
Keywords: Endosulfan-victim, Kasaragod, Press meet, P.Karunakaran-MP
Tags
Share this story
