ഭര്‍ത്താവിനോടൊപ്പം സംശയകരമായി കണ്ട അധ്യാപികയെ മറ്റൊരധ്യാപിക ചെരിപ്പൂരി അടിച്ചു
Dec 24, 2012, 13:46 IST
കാസര്‍കോട്: ഭര്‍ത്താവിനോടൊപ്പം സംശയകരമായ സാഹചര്യത്തില്‍ അധ്യാപികയെ കണ്ടതിനെതുടര്‍ന്ന് ഭാര്യയായ മറ്റൊരധ്യാപിക ചെരിപ്പൂരി അടിച്ചു. മുള്ളേരിയയിലാണ് സംഭവം നടന്നത്. മുള്ളേരിയക്കടുത്ത ഒരു സ്കൂളിലെ അധ്യാപികയെയാണ് സ്കൂളിന് സമീപം ഹോട്ടല്‍ നടത്തുന്ന മറ്റൊരധ്യാപികയുടെ ഭര്‍ത്താവിനെ സംശയകരമായ സാഹചര്യത്തില്‍ കണ്ടത്.
ഇവര്‍ തമ്മില്‍ നേരത്തെ രഹസ്യബന്ധം ഉണ്ടായിരുന്നത് സ്കൂളിലും പി.ടി.എ കമ്മിറ്റിയിലും ചര്‍ചയാകുകയും പ്രശ്‌നം പറഞ്ഞ് തീര്‍ക്കുകയും ചെയ്തിരുന്നു. ചെരിപ്പടിയേറ്റ അധ്യാപികയുടെ ഭര്‍ത്താവ് ഗള്‍ഫിലാണ്.
വെള്ളിയാഴ്ച വൈകിട്ടാണ് സ്കൂളിന് മുന്നിലെ ചായക്കടയില്‍ അധ്യാപികയെയും മറ്റൊരധ്യാപികയുടെ ഭര്‍ത്താവായ ഹോട്ടലുടമയെയും വീണ്ടും ഹോട്ടലിനകത്ത് സംശയകരമായ സാഹചര്യത്തില്‍ ഹോട്ടലുടമയുടെ ഭാര്യയായ അധ്യാപിക കണ്ടത്.
ഇതോടെ പ്രകോപിതയായ അധ്യാപിക ഭര്‍ത്താവിന് മുന്നില്‍ വെച്ച് തന്നെ അധ്യാപികയെ ചെരിപ്പൂരി അടിക്കുകയായിരുന്നു. സംഭവം നാട്ടില്‍ വീണ്ടും ചര്‍ചാ വിഷയമായിരിക്കയാണ്.
Keywords: Husband, Teachers, Kasaragod, Wife, Mulleria, School, Hotel, PTA, Committee, Kerala, Women teachers quarrel in hotel
Tags
Share this story
