കടന്നല്‍ ആക്രമണത്തില്‍ സ്ത്രീക്ക് ഗുരുതരം; കുത്തേറ്റത് തേങ്ങ പറിക്കാന്‍ കയറിയപ്പോള്‍

കരിന്തളം: (www.kasargodvartha.com 18.08.2018) കടന്നല്‍ കുത്തേറ്റ് തെങ്ങുകയറ്റ തൊഴിലാളിയായ സ്ത്രീക്ക് ഗുരുതരം. കരിന്തളം കൊല്ലംപാറ പയ്യങ്കുളത്തെ കുമാരന്റെ ഭാര്യ പി വി ഭാര്‍ഗ്ഗവി(45)ക്കാണ് പരിക്കേറ്റത്. തേങ്ങ പറിക്കാന്‍ കയറിയപ്പോഴാണ് ഭാര്‍ഗവിക്ക് കടന്നല്‍ കുത്തേറ്റത്.

ശനിയാഴ്ച രാവിലെ കിളിയളത്തെ പരേതനായ ആണ്ടി പൂജാരിയുടെ ഭാര്യ കല്യാണിയമ്മയുടെ പറമ്പിലെ തെങ്ങില്‍ തേങ്ങ പറിക്കാന്‍ കയറിയപ്പോഴാണ് കടന്നല്‍കൂട്ടം ആക്രമിച്ചത്. ദേഹമാസകലം കടന്നല്‍ കുത്തേറ്റ ഇവരെ നീലേശ്വരം തേജസ്വിനി സഹകരണ ആശുപത്രിയിലെ അത്യാഹിത വിഭാഗത്തില്‍ പ്രവേശിപ്പിച്ചു.