ആണി തറച്ച റീപ്പ് കൊണ്ട് കാലിന് അടിയേറ്റ് യുവതി ആശുപത്രിയില്‍

കാസര്‍കോട്: ആണി തറച്ച റീപ്പ് കൊണ്ട് കാലിന് അടിയേറ്റ് ഭര്‍തൃമതിയായ യുവതിയെ ജനറല്‍ ആശുപത്രിയില്‍ പ്രവേശിപ്പിച്ചു. ആദൂര്‍ മഞ്ഞനാടി കൊറ്റുമ്പയിലെ ഫക്രുദ്ദീന്റെ മകള്‍ എം.പി അസ്മ (24) ക്കാണ് അടിയേറ്റത്.

വ്യാഴാഴ്ച രാത്രി ഭര്‍ത്താവ് നെല്ലിക്കട്ടയിലെ ബദ്‌റുദ്ദീനാണ് അടിച്ചതെന്ന് അസ്മ പരാതിപ്പെട്ടു. 2008 മാര്‍ച് 27 നാണ് അസ്മ വിവാഹിതയായത്. ഇവര്‍ക്ക് രണ്ട് മക്കളുണ്ട്. വിവാഹ സമയത്ത് 20 പവന്‍ സ്വര്‍ണവും ഒന്നര ലക്ഷം രുപയും സ്ത്രീധനമായി നല്‍കിയിരുന്നു.

വ്യാഴാഴ്ച രാത്രി ഭര്‍ത്താവിന്റെ മൊബൈലിലേക്ക് ഒരു മിസ്ഡ് കോള്‍ വന്നതായും താന്‍ തിരിച്ച് വിളിച്ചപ്പോള്‍ ഒരു യുവതിയാണ് ഫോണെടുത്തതെന്നും അതിനെ കുറിച്ച് ഭര്‍ത്താവിനോട് ചോദിച്ചപ്പോഴുണ്ടായ വാക്കേറ്റത്തെ തുടര്‍ന്നാണ് അടിച്ചതെന്നും അസ്മ പറഞ്ഞു. ഭര്‍ത്താവിന്റെ വീട്ടുകാര്‍ അക്രമത്തിന് കൂട്ടുനിന്നതായും അസ്മ ആരോപിച്ചു.

Keywords: Nail, Hospital, Women, Case, Kasaragod, Kerala,  Kerala News, International News, National News, Gulf News, Health News, Educational News, Business News, Stock News, Gold News.