വീട് തകര്‍ന്ന് വീട്ടമ്മ ആശുപത്രിയില്‍

By Web Desk SNNov 3, 2017, 12:48 IST

പൊയിനാച്ചി: (www.kasargodvartha.com 03/11/2017) വീട് തകര്‍ന്ന് വീട്ടമ്മക്ക് പരിക്കേറ്റു. പൊയിനാച്ചി പറമ്പ് കോലാംകുന്നില്‍ ബേര്‍ക്കാകോട്ടെ വി. നളിനി (52)ക്കാണ് പരിക്കേറ്റത്. നളിനിയെ കാസര്‍കോട്ടെ സ്വകാര്യാശുപത്രിയില്‍ പ്രവേശിപ്പിച്ചു. വ്യാഴാഴ്ച വൈകുന്നേരമാണ് സംഭവം. നളിനിയുടെ തലയ്ക്കും ഇടതുകാലിനുമാണ് പരിക്കേറ്റത്.

മോന്തായം അമരുന്ന ശബ്ദം കേട്ട് നളിനി പുറത്തേക്കോടാന്‍ ശ്രമിക്കുന്നതിനിടെ പെട്ടെന്ന് വീട് തകര്‍ന്നുവീഴുകയായിരുന്നു. ശബ്ദംകേട്ടെത്തിയ നാട്ടുകാരാണ് തകര്‍ന്ന വീട്ടിനുള്ളില്‍ കുടുങ്ങിക്കിടന്ന നളിനിയെ പുറത്തെടുത്ത് ആശുപത്രിയിലാക്കിയത്. 15 വര്‍ഷം പഴക്കമുള്ള ഓടിട്ട വീടാണ് തകര്‍ന്നത്.