ന്യൂമോണിയ ബാധിച്ച് ചികിത്സയിലായിരുന്ന യുവതി മരിച്ചു

By Web Desk SNDec 10, 2017, 20:15 IST

ബദിയടുക്ക: (www.kasargodvartha.com 10.12.2017) ന്യൂമോണിയ ബാധിച്ച് ആശുപത്രിയില്‍ ചികിത്സയിലായിരുന്ന യുവതി മരണപ്പെട്ടു. ബദിയടുക്ക നീര്‍ച്ചാല്‍ രത്നഗിരിയിലെ ശശിധരന്റെ ഭാര്യയും നാരായണ- സഞ്ജീവി ദമ്പതികളുടെ മകളുമായ സുമിത്ര(33)യാണ് മരിച്ചത്. കരള്‍ സംബന്ധമായ അസുഖം മൂലം സുമിത്രയെ മുമ്പ് ദേര്‍ളക്കട്ടയിലെ ആശുപത്രിയില്‍ പ്രവേശിപ്പിച്ചിരുന്നു.

ഒരാഴ്ച മുമ്പാണ് യുവതിയെ പനി ബാധിച്ചത്. ഇതേ തുടര്‍ന്ന് യുവതിയെ മംഗളൂരുവിലെ ആശുപത്രിയില്‍ പ്രവേശിപ്പിക്കുകയും പരിശോധനയില്‍ ന്യൂമോണിയയാണെന്ന് സ്ഥിരികരിക്കുകയും ചെയ്തു. ഞായറാഴ്ച പുലര്‍ച്ചെ നാലുമണിയോടെയാണ് മരണം സംഭവിച്ചത്. ശ്രീജിത്ത്, സ്നേഹ എന്നിവര്‍ മക്കളാണ്. സഹോദരന്‍: സുധീര്‍.