'സിനി­മ­യു­ടെ പേരില്‍ മതത്തെ താറ­ടി­ക്കാനുള്ള നീക്കം വില­പ്പോ­വില്ല'

ചെമ്മ­നാട്: സിനി­മ­യു­ടെയും മറ്റ് ആവി­ഷ്‌കാര സ്വാത­ന്ത്യ­ങ്ങ­ളു­ടെയും പേരില്‍ ഇസ്ലാ­മി­നെയും തിരു­ന­ബി­യേയും അവ­ഹേ­ളി­ക്കാ­നുള്ള ശ്രമം വില­പ്പോ­വി­ല്ലെന്ന് സമസ്ത കേരള ജംഇ­യ്യ­ത്തുല്‍ ഉലമ ജന­റല്‍ സെക്ര­ട്ടറി കാന്ത­പുരം എ.പി അബൂ­ബ­ക്കര്‍ മുസ്‌ലി­യാര്‍ പറ­ഞ്ഞു. ചെമ­നാട് സുന്നി സെന്റര്‍ ഉദ്ഘാ­ട­ന­ത്തോ­ട­നു­ബ­ന്ധിച്ച് ആയി­ര­ങ്ങള്‍ സംബ­ന്ധിച്ച ഹുബ്ബു­റ­സൂല്‍ സമ്മേ­ള­ന­ത്തില്‍ പ്രവാ­ചക സ്‌നേഹ പ്രഭാ­ഷണം നട­ത്തു­ക­യാ­യി­രുന്നു അദ്ദേ­ഹം.

സിനിമ കാണാന്‍ ആളെ­ക്കി­ട്ടാതെ തിയേ­റ്റ­റു­കള്‍ പൂട്ടി­ക്കൊ­ണ്ടി­രി­ക്കു­മ്പോള്‍ വിവാ­ദ­മു­ണ്ടാക്കി ആളെ­പ്പി­ടി­ക്കാ­നുള്ള ശ്രമ­ത്തിന്റെ ഭാഗ­മാണ് ഇസ്‌ലാ­മിനും പ്രവാ­ച­കര്‍ക്കു­മെ­തിരെയുള്ള പുതിയ സിനിമാ വിവാ­ദ­ങ്ങ­ള്‍ക്കു പിന്നില്‍. സിനിമ കൊണ്ടോ മറ്റു മാധ്യ­മ­ങ്ങള്‍ കൊണ്ടോ തിരു നബി­യുടെ സ്‌നേഹ സന്ദേ­ശത്തെ ഇടിച്ചു താഴ്ത്താന്‍ ഒരു ശക്തിക്കും കഴി­യി­ല്ലെന്ന് കാന്ത­പുരം പറ­ഞ്ഞു.

ഖുര്‍­ആന്‍ വര്‍ഗീ­യ­തയും വിഭാ­ഗീ­യ­തയും വളര്‍ത്തു­ന്നു­വെന്ന ആരോ­പണം ബാലി­ശ­മാ­ണ്. ഇസ്‌ലാം ഭീക­ര­തയെ പ്രോത്സാ­ഹി­പ്പി­ക്കു­ന്നു­വെന്ന് തെളി­യി­ക്കാന്‍ ഒരു വാചകം വിശുദ്ധ ഖുര്‍­ആ­നിലോ തിരു വച­ന­ങ്ങ­ളിലോ കാണി­ക്കാന്‍ ആര്‍ക്കും കഴി­യി­ല്ല. ഖുര്‍­ആന്‍ ശാന്ത­മായ ജീവി­ത­മാണ് ലോക­ത്തിന് സംഭാ­വന ചെയ്ത­ത്. ഭീക­ര­തക്കോ തീവ്ര­വാ­ദ­ത്തിനോ ഇസ്‌ലാ­മില്‍ ഒരു സ്ഥാന­വു­മി­ല്ല. വിവിധ മത­വി­ഭാ­ഗ­ങ്ങള്‍ക്കി­ട­യില്‍ സൗഹൃദം വളര്‍ത്തു­ന്നതാ­യി­രുന്നു പ്രവാ­ചക ജീവി­തം. കാന്ത­പുരം വിശ­ദീ­ക­രി­ച്ചു.

മുറി മൗലവിമാരുടെ ഖുര്‍­ആന്‍ വ്യാഖ്യാ­ന­ങ്ങ­ളില്‍ നിന്ന് ഇസ്‌ലാ­മിനെ തെറ്റായി മന­സ്സി­ലാ­ക്കി­യ­താണ് പല വിവാ­ദ­ങ്ങ­ളു­ടെയും പിന്നി­ലു­ള്ള­ത്. ഇസ്‌ലാ­മിന്റെ പേരി­ലുള്ള പരി­ഷ്‌ക­രണ പ്രസ്ഥാ­ന­ങ്ങള്‍ പ്രവാ­ച­ക­രുടെ അമാ­നു­ഷിക ജീവി­തത്തെ നിഷേ­ധി­ക്കു­കയും തെറ്റി­ദ്ധ­രി­പ്പി­ക്കു­കയും ചെയ്തത് മത വിരോ­ധി­കള്‍ക്ക് വള­മാ­വു­ക­യാ­ണ്. അകത്തു നിന്നും പുറത്തു നിന്നു­മുള്ള മത വിരോ­ധി­കള്‍ എത്ര കണ്ട് ആരോ­പണം ഉന്ന­യി­ച്ചാലും ഇസ്‌ലാ­മിനെ തകര്‍ക്കാന്‍ കഴി­യി­ല്ലെന്ന് ആരോ­പണം ഇന്ന­യി­ക്കു­ന്ന­വര്‍ ആലോ­ചി­ക്ക­ണം.

ശഹാ­ദത്ത് കലി­മ­യിലും ബാങ്ക് വിളി­യിലും നിസ്‌കാ­ര­ത്തിലും നിര്‍ബ­ന്ധ­പൂര്‍വ്വം വിളി­ക്കേണ്ട നാമ­മാ­ണ് പ്രവാ­ച­ക­രു­ടേ­ത്. പ്രവാച സ്‌നേഹ­ത്തിനു വേണ്ട് ഒരു­മിച്ച് കൂടല്‍ മറ്റെല്ലാ സംഗ­മ­ത്തേ­ക്കാളും പുണ്യ­മേ­റി­യ­താ­ണ്. നാം നിസ്‌കാ­ര­ത്തി­ല്‍ കഅ­ബ­യി­ലേക്ക് തിരി­യു­ന്നത് പോലും പ്രവാ­ചക പൊരു­ത്ത­ത്തിനു വേണ്ടി­യാ­ണ്. ലോക­ത്തിന് അനു­ഗ്ര­ഹ­മായി അവ­ത­രിച്ച പ്രവാ­ച­ക­രുടെ ജന്മ­ത്തില്‍ സന്തോഷം പ്രക­ടി­പ്പി­ക്ക­ണ­മെന്നത് വിശുദ്ധ ഖുര്‍­ആന്റെ ആഹ്വാ­ന­മാ­ണ്. പ്രവാ­ച­ക­രു­മായി ബന്ധ­പ്പെട്ട എല്ലാ വസ്തു­ക്ക­ളെയും ആദ­രി­ക്കേ­ണ്ടത് വിശ്വാ­സി­യുടെ ബാധ്യ­ത­യാ­ണ്. കാന്ത­പുരം കൂട്ടി­ച്ചേര്‍ത്തു.

ശൈഖ് സ്വബാ­ഹുദ്ദീന്‍ രിഫാഇ ഉദ്ഘാ­ടനം ചെയ്തു. എസ്.­വൈ.­എസ് സംസ്ഥാന വൈസ് പ്രസി­ഡന്റ് ഖാസി സയ്യിദ് മുഹ­മ്മദ് ഉമ­റു­ല്‍ ഫാറൂഖ് അല്‍ബു­ഖാ­രി അധ്യ­ക്ഷ­ത വഹി­ച്ചു. എസ്.­വൈ.­എസ് ജില്ലാ പ്രസിഡന്റ്     പള്ളംകോട് അബ്ദുല്‍ ഖാദര്‍ മദനി സ്വാഗതം പറ­ഞ്ഞു. എന്‍.എ നെല്ലി­ക്കുന്ന് എം.­എല്‍.­എ, സി.ടി അഹ്മ­ദലി, പാദൂര്‍ കുഞ്ഞ­ഹ്മദ് ഹാജി തുട­ങ്ങി­യ­വര്‍ സംബ­ന്ധി­ച്ചു.