മര്‍ദിച്ച് ഒരു പവന്റെ താലിമാല തട്ടിപ്പറിച്ചതായി പരാതി; ഭര്‍ത്താവിനെതിരെ പോലീസ് കേസ്

By Web Desk SNAug 9, 2017, 16:24 IST

ബദിയടുക്ക: (www.kasargodvartha.com 09.08.2017) മര്‍ദിച്ച് ഒരു പവന്റെ താലിമാല തട്ടിപ്പറിച്ചതായി പരാതി. സംഭവത്തില്‍ ഭര്‍ത്താവിനെതിരെ പോലീസ് കേസെടുത്തു. കാടമന മാടത്തടുക്കയിലെ അംഗന്‍വാടി അധ്യാപിക ഗീതയുടെ പരാതിയില്‍ ഭര്‍ത്താവ് രാഘവനെതിരെയാണ് ബദിയടുക്ക പോലീസ് കേസെടുത്തത്. ചൊവ്വാഴ്ച രാവിലെയാണ് സംഭവം.

വീട്ടില്‍ നിന്നും അംഗന്‍വാടിയിലേക്ക് പോകുംവഴി ബസ് സ്റ്റാന്‍ഡിന് സമീപം വെച്ച് രാഘവ തടഞ്ഞുനിര്‍ത്തി മര്‍ദിക്കുകയും ഒന്നേകാല്‍ പവന്റെ താലിമാല തട്ടിപ്പറിക്കുകയും ചെയ്തുവെന്നാണ് പരാതി. നേരത്തെ രാഘവനെതിരെ നരഹത്യാശ്രമത്തിന് കേസുള്ളതായി പോലീസ് പറഞ്ഞു.