ശക്തമായ മഴയില്‍ കിണര്‍ ഭൂമിക്കടിയിലേക്ക് താഴ്ന്നു; വീട് അപകടഭീഷണയില്‍, കുടുംബം മാറിത്താമസിച്ചു

By Web Desk - MainOct 26, 2019, 19:50 IST

കാസര്‍കോട്: (www.kasargodvartha.com 26.10.2019) ശക്തമായ മഴയില്‍ വീട്ടുകിണര്‍ ഭൂമിക്കടിയിലേക്ക് താഴ്ന്നു. എരിയാല്‍ സി പി സി ആര്‍ ഐക്ക് സമീപം കുളങ്കരയിലെ ഖദീജുമ്മയുടെ വീടിനു തൊട്ടടുത്തുള്ള കിണറാണ് ഇടിഞ്ഞ് ഭൂമിക്കടിയിലേക്ക് താഴ്ന്നത്. വീട് അപകടഭീഷണിയിലായതിനെ തുടര്‍ന്ന് കുടുംബം ബന്ധുവീട്ടിലേക്ക് മാറിത്താമസിച്ചു.

ശനിയാഴ്ച വൈകിട്ട് 3.30 മണിയോടെയാണ് സംഭവം. വിവരമറിഞ്ഞ് വില്ലേജ് ഓഫീസര്‍ ഹാരിസിന്റെ നേതൃത്വത്തിലുള്ള സംഘം സ്ഥലത്തെത്തി. ശക്തമായ മഴയും കാറ്റും തുടരുന്ന സാഹചര്യത്തില്‍ പലയിടങ്ങളിലും നാശനഷ്ടം സംഭവിച്ചിട്ടുണ്ട്.