വര്‍ഷങ്ങളായി ചെളിക്കുളമായി കിടക്കുന്ന ഒരു റോഡ്; പൊട്ടിയ പൈപ്പ് നന്നാക്കാന്‍ അധികൃതര്‍ക്ക് മടി, ദുരിതത്തിലാകുന്നത് സ്‌കൂള്‍ കുട്ടികളടക്കം നിരവധി യാത്രക്കാര്‍

കാസര്‍കോട്: (www.kasargodvartha.com 07.06.2018) വര്‍ഷങ്ങളായി ചെളിക്കുളമായി കിടക്കുകയാണ് കാസര്‍കോട് മെഡോണ എല്‍ പി സ്‌കൂളിന് സമീപത്തെ റോഡ്. വാട്ടര്‍ അതോറിറ്റിയുടെ പൈപ്പ് പൊട്ടിയിട്ട് വര്‍ഷമായിട്ടും ഇതുവരെ നന്നാക്കാന്‍ അധികൃതര്‍ തയ്യാറായിട്ടില്ല. ഇതോടെ ഈ വഴിയിലൂടെ യാത്ര ചെയ്യുന്ന സ്‌കൂള്‍ കുട്ടികളടക്കം നിരവധി യാത്രക്കാര്‍ ദുരിതത്തിലായിരിക്കുകയാണ്.

സ്‌കൂള്‍ തുറന്നതോടെ വിദ്യാര്‍ത്ഥികള്‍ റോഡിന് ഓരം പറ്റിയാണ് നടക്കുന്നത്. ചെളിവെള്ളത്തില്‍ വീണ് കുട്ടികള്‍ക്ക് പരിക്കേല്‍ക്കുമെന്ന ഭയവും  രക്ഷിതാക്കള്‍ക്കുണ്ട്. ഇതിനെതിരെ പല തവണ പരാതി നല്‍കിയെങ്കിലും നന്നാക്കാന്‍ അധികൃതര്‍ തയ്യാറാവുന്നില്ലെന്നാണ് ആക്ഷേപമുയര്‍ന്നിരിക്കുന്നത്. റെയില്‍വേ സ്‌റ്റേഷന്‍ റോഡിനെ ഫോര്‍ട്ട് റോഡിലേക്ക് ബന്ധിപ്പിക്കുന്ന റോഡിലാണ് പൈപ്പ് പൊട്ടി റോഡ് ചെളിക്കുളമായി മാറിയിരിക്കുന്നത്.