ചെക്ക്‌പോസ്റ്റ് ജീവനക്കാര്‍ ഉറങ്ങി; വിജിലന്‍സ് കോഴിക്കടത്ത് പിടികൂടി
Aug 25, 2012, 20:30 IST
വിജിലന്‍സ് സി.ഐ പി. ബാലകൃഷ്ണന്‍ നായരുടെ നേതൃത്വത്തില്‍ ശനിയാഴ്ച പുലര്‍ച്ചെ പത്വാടി ചെക്ക് പോസ്റ്റിനു സമീപത്തു വെച്ചാണ് അനധികൃത കോഴികടത്ത് പിടികൂടിയത്. പത്വാടി ചെക്ക്‌പോസ്റ്റു വഴി കോഴി കടത്ത് നടക്കുന്നുവെന്ന വിവരത്തിന്റെ അടിസ്ഥാനത്തിലാണ് വിജിലന്‍സ് സംഘം പരിശോധനയ്ക്ക് എത്തിയത്. വിജിലന്‍സ് സംഘം എത്തിയിട്ടും ഉറങ്ങിക്കിടക്കുകയായിരുന്ന ചെക്ക്‌പോസ്റ്റ് അധികൃതര്‍ ഉണര്‍ന്നില്ലെന്നു വിജിലന്‍സ് അധികൃതര്‍ വെളിപ്പെടുത്തി.
അടഞ്ഞു കിടന്ന ഗേറ്റ് തുറന്ന് വിജിലന്‍സ് സംഘം മറുഭാഗത്ത് എത്തി കോഴി കടത്ത് പിടികൂടിയ ശേഷമാണ് ചെക്ക്‌പോസ്റ്റ് ജീവനക്കാരെ വിളിച്ചുണര്‍ത്തിയത്. ഇതു സംബന്ധിച്ച റിപോര്‍ട്ട് വിജിലന്‍സ് ഡയറക്ടര്‍ക്ക് നല്‍കുമെന്ന് അധികൃതര്‍ പറഞ്ഞു.
അതേസമയം വെള്ളിയാഴ്ച കുണ്ടംകുഴിയിലുള്ള ബേഡഡുക്ക വില്ലേജ് ഓഫീസില്‍ വിജിലന്‍സ് നടത്തിയ റെയ്ഡില്‍ നിരവധി കൃത്രിമങ്ങള്‍ കണ്ടെത്തിയിട്ടുണ്ട്. വിജിലന്‍സ് സംഘം വില്ലേജ് ഓഫീസില്‍ എത്തിയപ്പോള്‍ അടഞ്ഞുകിടക്കുകയായിരുന്നു. മണിക്കൂറുകളോളം കാത്തിരുന്ന ശേഷമാണ് താല്‍കാലിക ജീവനക്കാരി ഓഫീസ് തുറന്നത്. പല ആവശ്യങ്ങള്‍ക്കായി നല്‍കിയ അപേക്ഷകള്‍ രജിസ്റ്ററില്‍ ചേര്‍ക്കാത്തതും കണ്ടെത്തിയതായി വിജിലന്‍സ് അധികൃതര്‍ വ്യക്തമാക്കി.
Keywords: Check-post, Vigilance-raid, Kasaragod.
Tags
Share this story
