വൈസ് ചാന്‍സലര്‍ പ്രധാനമന്ത്രിയെ സന്ദര്‍ശിച്ചു
Sep 13, 2012, 22:00 IST
അകാദമിക് രംഗത്ത് സര്‍വകലാശാല കൈവരിച്ച നേട്ടങ്ങളില്‍ പ്രധാനമന്ത്രി സംതൃപ്തി പ്രകടിപ്പിച്ചു. മികച്ച വിദേശ സര്‍വകലാശാലകളിലും, ഗവേഷണ സ്ഥാപനങ്ങളിലുമുള്ള ഇന്ത്യന്‍ ശാസ്ത്രജ്ഞമാരില്‍ നിന്ന് സര്‍വകലാശാലയ്ക്കുവേണ്ട അധ്യാപകരെ കണ്ടെത്താന്‍ നടത്തുന്ന ശ്രമങ്ങളെ അദ്ദേഹം പ്രശംസിച്ചു. കോഴ്‌സുകളില്‍ പ്രവേശനം നല്‍കുന്നത് ദേശീയ മത്സരപരീക്ഷകളിലാണെന്നതും അധ്യപകരില്‍ 18 ശതമാനം പേരും, വിദ്യര്‍ത്ഥികളില്‍ 20 ശതമാനം പേരും ഇതര സംസ്ഥാനങ്ങളില്‍ നിന്നുള്ളവരാണെന്നതും സന്തോഷപ്രദമാണെന്ന് പ്രധാനമന്ത്രി പറഞ്ഞു.
കരിക്കുലം ഗവേഷണ പരിപാടികള്‍ രൂപപ്പെടുത്തുമ്പോള്‍ പ്രാദേശിക സംസ്കാരവും മലബാറിന്റെ വികസന ആവശ്യങ്ങളും കൂടി പരിഗണിക്കുന്നുണ്ടെന്ന് വിസി പറഞ്ഞു. പെരിയയിലെ ക്യാമ്പസ് പ്രവര്‍ത്തന സജ്ജമാക്കുന്നതിന് സ്വീകരിക്കുന്ന നടപടികള്‍ വിസി പ്രധാനമന്ത്രിയെ ധരിപ്പിച്ചു.
സര്‍വകലാശാല വിഭാവനം ചെയ്യുന്ന സെന്റര്‍ ഫോര്‍ ഡിഫന്‍സ് ആന്റ് സെക്യൂരിറ്റി സ്റ്റഡീസ്, സെന്റര്‍ ഫോര്‍ ഡയസ് പോറസ്റ്റഡീസ്, സെന്റര്‍ ഫോര്‍ ഡബ്ല്യൂ.റ്റി.ഒ സ്റ്റഡീസ് എന്നിവയുടെ രൂപരേഖകള്‍ വിസി പ്രധാനമന്ത്രിക്ക് സമര്‍പ്പിച്ചു.
Keywords: Central University, VC, Jancy James, Visit, Prime Minister, Kochi, Kasaragod
Tags
Share this story
