വളപട്ടണം പുഴയിലേക്ക് ചാടാൻ ശ്രമിച്ച വയോധികനെ രക്ഷപ്പെടുത്തി പോലീസ്

വളപട്ടണം: (KasargodVartha) പുഴയിലേക്ക് ചാടാൻ ശ്രമിച്ച വയോധികനെ വളപട്ടണം എഎസ്ഐ സുജിത്ത്, സി പി ഒ മിഥുൻ എന്നിവരുടെ സമയോചിതമായ ഇടപെടലിനാൽ രക്ഷിച്ചു.

ഡ്യൂട്ടിക്കായി പോകുന്ന വഴി ബനിയനും ഷർട്ടും അഴിച്ചുവെച്ച് വളപട്ടണം പാലത്തിന്റെ കൈവരിയിൽ കയറി പുഴയിലേക്ക് ചാടാൻ ശ്രമിക്കുന്ന വയോധികനെ എ.എസ്.ഐ സുജിത്തിന്റെയും സിപിഒ മിഥുനിന്റെയും ശ്രദ്ധയിൽപ്പെടുകയായിരുന്നു.

ഉടൻതന്നെ ഇവർ വാഹനം നിർത്തി അടുത്ത് ചെന്ന് ഇയാളെ പിടിച്ചുമാറ്റി. ചോദ്യങ്ങൾക്ക് കൃത്യമല്ലാത്തതും അവ്യക്തവുമായ മറുപടി ലഭിച്ചതിനെ തുടർന്ന് സ്റ്റേഷനിലേക്ക് കൂട്ടിക്കൊണ്ടുവന്നു. തുടർന്ന് നടത്തിയ അന്വേഷണത്തിലൂടെ ഇയാളെ ബന്ധുക്കളെ ഏൽപ്പിക്കുവാൻ സാധിച്ചു.

പോലീസിൻ്റെ ഈ സമയോചിതമായ ഇടപെടലിനെക്കുറിച്ച് നിങ്ങളുടെ അഭിപ്രായം പങ്കുവെയ്ക്കൂ. ഈ വാർത്ത മറ്റുള്ളവർക്കും ഷെയർ ചെയ്യൂ.

Article Summary: Police officers rescue an elderly man trying to jump into Valapattanam river.

#KeralaPolice #Valapattanam #RescueMission #HeroicAct #KeralaNews #Kannur