വാക്കുല പ്രകാശനം: കവികളും സാഹിത്യകാരന്മാരും ഞായറാഴ്ച കാസര്‍കോട്ട്

കാസര്‍കോട്: രവീന്ദ്രന്‍ പാടിയുടെ കവിതാസമാഹാരമായ 'വാക്കുല' യുടെ പ്രകാശന ചടങ്ങിലും അതിനോടനുബന്ധിച്ചുള്ള കവിയരങ്ങിലും പങ്കെടുക്കാന്‍ സാഹിത്യകാരന്മാരും കവികളും ഞായറാഴ്ച കാസര്‍കോട്ട് എത്തുന്നു. പ്രശസ്തരടക്കം നിരവധി സാഹിത്യകാരന്മാരാണ് പ്രസ്‌ക്ലബില്‍ നടക്കുന്ന പരിപാടിയില്‍ പങ്കെടുക്കുന്നത്. ഉച്ചയ്ക്ക് രണ്ട് മണിക്ക് ആരംഭിക്കുന്ന കവിയരങ്ങ് പ്രശസ്ത കവി ദിവാകരന്‍ വിഷ്ണുമംഗലം ഉദ്ഘാടനം ചെയ്യും. കാസര്‍കോട് സാഹിത്യവേദി വൈസ് പ്രസിഡണ്ട് നാരായണന്‍ പേരിയ അധ്യക്ഷത വഹിക്കും.

വൈകിട്ട് നാല് മണിക്ക് നടക്കുന്ന പുസ്തക പ്രകാശന ചടങ്ങില്‍ സാഹിത്യവേദി പ്രസിഡണ്ട് റഹ്‌മാന്‍ തായലങ്ങാടി അധ്യക്ഷത വഹിക്കും. പ്രശസ്ത കവിയും നിരൂപകനും ഏഷ്യാനെറ്റ് കോ-ഓര്‍ഡിനേറ്റിംഗ് എഡിറ്ററുമായ മാങ്ങാട് രത്‌നാകരന്‍ പുസ്തകം കാസര്‍കോട് ഗവ. കോളജ് മലയാള വിഭാഗം മേധാവി ഡോ. കെ.എസ് സുഷമ കുമാരിക്ക് നല്‍കി പ്രകാശനം ചെയ്യും. പത്മനാഭന്‍ ബ്ലാത്തൂര്‍ പുസ്തകം പരിചയപ്പെടുത്തും.

പ്രസ്‌ക്ലബ്ബ് പ്രസിഡണ്ട് എം.ഒ വര്‍ഗീസ്, പ്രൊഫ. ഇബ്രാഹിം ബേവിഞ്ച, ആര്‍ട്ടിസ്റ്റ് പി.എസ് പുണിഞ്ചിത്തായ, ഡോ. അംബികാസുതന്‍ മാങ്ങാട്, വി.വി.പ്രഭാകരന്‍, ബാലകൃഷ്ണന്‍ ചെര്‍ക്കള, എ.എസ്.മുഹമ്മദ് കുഞ്ഞി, അഡ്വ.പി.വി.ജയരാജന്‍, സ്വാദിഖ് കാവില്‍, മുജീബ് കളനാട്, സുബൈദ, ഇബ്രാഹിം ചെര്‍ക്കള, ഉണ്ണികൃഷ്ണന്‍ പുഷ്പഗിരി, പ്രതിഭാരാജന്‍, അതീഖ് റഹ്‌മാൻ ബേവിഞ്ച പ്രസംഗിക്കും. സെക്കുലര്‍ സാഹിത്യ വേദിയാണ് പുസ്തകം പ്രസിദ്ധീകരിക്കുന്നത്.

Also Read:
ആത്മഹത്യാശ്രമം നടത്തിയത് താനല്ലെന്നും സഹനടി സിന്ധുവെന്നും സിന്ധുമേനോന്‍

Keywords: Ravindran Pady, Book Release, Kasaragod, Kerala, Poem Book, Press Club, Secular Sahithya Vedi, News, Report, National, Malayalam News, National News, Kerala News, International News, Sports News, Entertainment, Stock News. current top stories, photo galleries, Top Breaking News on Politics and Current Affairs in India & around the World, discussions, interviews and more.