ഉപ്പളയിലെ അക്രമം: കാറുകളും ബസും ജ്വല്ലറിയും അടിച്ചുതകര്‍ത്ത യുവാവ് അറസ്റ്റില്‍

ഉപ്പള: (www.kasargodvartha.com 08.03.2019) കാറുകളും ബസും ജ്വല്ലറിയുടെ ഗ്ലാസും അടിച്ചുതകര്‍ത്ത കേസില്‍ യുവാവ് അറസ്റ്റിലായി. ഉപ്പള മണിമുണ്ടയിലെ മുഹമ്മദ് ഷരീഫി (37)നെയാണ് മഞ്ചേശ്വരം പോലീസ് അറസ്റ്റ് ചെയ്തത്. വ്യാഴാഴ്ച പുലര്‍ച്ചെ ഉപ്പള റെയില്‍വേ സ്റ്റേഷന്‍ റോഡിലായിരുന്നു കേസിനാസ്പദമായ സംഭവം.

സമീപം നിര്‍ത്തിയിട്ട അഞ്ച് കാറുകളുടെ ഗ്ലാസും കര്‍ണാടക ട്രാന്‍സ്‌പോര്‍ട്ട് ബസിന്റെ ഗ്ലാസും അടിച്ചുതകര്‍ത്ത ഷരീഫ് സമീപത്തെ ആനന്ദ് ജ്വല്ലറിയുടെ ഗ്ലാസും തകര്‍ത്തു. സമീപത്തെ സിസിടിവി ക്യാമറയിലെ ദൃശ്യങ്ങള്‍ പരിശോധിച്ചതോടെയാണ് ഷരിഫ് അടിച്ചുതകര്‍ക്കുന്നത് കണ്ടത്.

ഇതേതുടര്‍ന്ന് ഷരിഫിനെ മണിമുണ്ടയില്‍ വെച്ച് പോലീസ് അറസ്റ്റ് ചെയ്യുകയായിരുന്നു. ഷരിഫിന് ആരുടെയെങ്കിലും സഹായം ലഭിച്ചിട്ടുണ്ടോ എന്ന് പോലീസ് അന്വേഷിച്ചുവരികയാണ്. പ്രതിനെ കോടതിയില്‍ ഹാജരാക്കി.