75 കിലോ പാന്‍ ഉത്പന്നങ്ങളുമായി യു.പി സ്വദേശി അറസ്റ്റില്‍

By Web Desk SNAug 11, 2017, 11:20 IST

കാസര്‍കോട്:(www.kasargodvartha.com 11/08/2017) ട്രെയിനില്‍ കടത്തുകയായിരുന്ന 75 കിലോ പാന്‍ ഉത്പന്നങ്ങളുമായി യു.പി സ്വദേശിയെ എക്‌സൈസ് സംഘം അറസ്റ്റു ചെയ്തു. മംഗളൂരു- ചെന്നൈ സൂപ്പര്‍ ഫാസ്റ്റില്‍നിന്നുമാണ് 75,000 രൂപ വിലവരുന്ന പാന്‍ മസാലകള്‍ റെയില്‍വേ സംരക്ഷണ സേനയും എക്സൈസ് സംഘവും ചേര്‍ന്ന് പിടികൂടിയത്.

ഉത്തര്‍പ്രദേശ് സ്വദേശിയായ അരവിന്ദ് കുമാറിനെ അറസ്റ്റു ചെയ്തു. ആര്‍.പി.എഫ് എ.എസ്.ഐ ബിനോയ് കുര്യന്‍, എക്സൈസ് ഓഫീസര്‍ രഞ്ജിത് ബാബു, ആര്‍.പി.എഫിലെ സഞ്ജയ്കുമാര്‍, കെ. ചിത്രരാജ്, കെ. ശശി എന്നിവരുടെ നേതൃത്വത്തിലാണ് പാന്‍മസാല വേട്ട നടത്തിയത്.