ദേശീയപാത സർവീസ് റോഡിന് ഭീഷണി ഉയർത്തിയ കല്ലങ്കൈ എഎൽപി സ്കൂൾ കെട്ടിടം കലക്ടറുടെ ഉത്തരവിനെ തുടർന്ന് പൊളിച്ചുമാറ്റി തുടങ്ങി

കല്ലങ്കൈ: (KasargodVartha) ദേശീയപാത സർവീസ് റോഡിന് അപകട ഭീഷണി ഉയർത്തിയ കല്ലങ്കൈ സ്കൂൾ കെട്ടിടം പൊളിച്ചുമാറ്റി തുടങ്ങി. ദേശീയപാത നിർമാണത്തെ തുടർന്ന് മണ്ണ് നീക്കം ചെയ്തത് കാരണം കഴിഞ്ഞ മൂന്ന് വർഷമായി ദേശീയപാത സർവീസ് റോഡിന് ഭീഷണി ഉയർത്തിയിരുന്ന കല്ലങ്കൈ എഎൽപി (അൺ എയ്ഡഡ്) സ്കൂൾ കെട്ടിടം ജില്ലാ കലക്ടർ അർജുൻ പാണ്ഡ്യൻ്റെ ഉത്തരവിനെ തുടർന്ന് പൊളിച്ചുമാറ്റിത്തുടങ്ങി.

റിപ്പോർട്ട് നൽകി ആർഡിഒ

ഒരാഴ്ച മുൻപാണ് ജില്ലാ കലക്ടറുടെ നിർദേശത്തെ തുടർന്ന് ആർഡിഒ സംഭവസ്ഥലം സന്ദർശിച്ച് സ്കൂൾ കെട്ടിടം പൊളിച്ചുമാറ്റണമെന്ന് ജില്ലാ കലക്ടർക്ക് റിപ്പോർട്ട് നൽകിയത്. അപകട ഭീഷണിയെ തുടർന്ന് ഇടുങ്ങിയ സർവീസ് റോഡിൽ ബാരിക്കേഡ് വെച്ച് നിർമാണ കമ്പനി അധികൃതർ ഗതാഗതം നിയന്ത്രിച്ചത് ഗതാഗത തടസ്സത്തിനും കാരണമായിരുന്നു.

നാട്ടുകാരുടെ ആശങ്കയ്ക്ക് പരിഹാരം

മണ്ണിടിച്ചിൽ മൂലം കല്ലങ്കൈ സർവീസ് റോഡിലേക്ക് വീഴാൻ പാകത്തിൽ സ്കൂൾ കെട്ടിടം, ട്രാൻസ്ഫോർമറിനും വൈദ്യുതി പോസ്റ്റിനും കൂടി ഭീഷണി നിലനിൽക്കുന്ന സാഹചര്യത്തിലാണ് ഏതാനും ദിവസം മുൻപ് ജില്ലാ കലക്ടറുടെ നിർദേശപ്രകാരം എം എസ് ബിജു കുമാറിൻ്റെ നേതൃത്വത്തിലുള്ള ആർഡിഒ അധികൃതർ സംഭവസ്ഥലം സന്ദർശിച്ച് അപകടാവസ്ഥയിലുള്ള സ്കൂൾ കെട്ടിടം പൊളിച്ചുമാറ്റേണ്ടതുണ്ടെന്ന് കാണിച്ച് കലക്ടർക്ക് റിപ്പോർട്ട് നൽകിയത്. പൊളിച്ചുമാറ്റാൻ തുടങ്ങിയതോടെ നാട്ടുകാരുടെയും അതുവഴി നടന്നുപോകുന്ന വിദ്യാർഥികളുടെയും, കാൽനടയാത്രക്കാരുടെയും നെഞ്ചിടിപ്പിന് പരിഹാരമായി.

പൊളിച്ചുമാറ്റാൻ കലക്ടറുടെ നിർദേശം

ഓടുമേഞ്ഞ സ്കൂൾ കെട്ടിടത്തിൽ ക്ലാസുകൾ പ്രവർത്തിക്കുന്നില്ലെങ്കിലും കെട്ടിടത്തിന് തൊട്ടടുത്തു കൂടെ നടന്നുപോകുന്ന വിദ്യാർഥികൾ അടക്കമുള്ള നിരവധി പേർക്കും, സർവീസ് റോഡിലൂടെ കടന്നുപോകുന്ന വാഹനങ്ങൾക്കും കെട്ടിടം ഭീഷണി ഉയർത്തിയിരുന്നു. ഇത് നാട്ടുകാർ ജനപ്രതിനിധികളെയും, ബന്ധപ്പെട്ടവരെയും അറിയിച്ചതിനെ തുടർന്നാണ് ആർഡിഒ നിർദേശപ്രകാരം പൊളിച്ചുമാറ്റാൻ ജില്ലാ കലക്ടർ നിർദേശം നൽകിയത്.

ഈ വാർത്ത നിങ്ങളുടെ സുഹൃത്തുക്കൾക്കും വാട്സാപ്പ് ഗ്രൂപ്പുകളിലും ഷെയർ ചെയ്യുക. പുതിയ അപ്ഡേറ്റുകൾ അറിയാൻ ഞങ്ങളുടെ വാട്സ്ആപ്പ് ചാനൽ ഫോളോ ചെയ്യുക. നിങ്ങളുടെ അഭിപ്രായങ്ങൾ ഫേസ്ബുക്ക് പോസ്റ്റിന് താഴെ കമന്റായി രേഖപ്പെടുത്തുക.

Article Summary: The unsafe Kallangai ALP school building is being demolished.

#Kallangai #KasaragodNews #NationalHighway #SchoolDemolition #KeralaNews #LocalNews #AparnaNews