മധ്യവയസ്‌കനെ ദുരൂഹസാഹചര്യത്തില്‍ മരിച്ച നിലയില്‍ കണ്ടെത്തി

By Web Desk - MainMar 6, 2015, 12:36 IST

കാസര്‍കോട്: (www.kasargodvartha.com 06/03/2015) മധ്യവയസ്‌കനെ ദുരൂഹസാഹചര്യത്തില്‍ മരിച്ച നിലയില്‍ കണ്ടെത്തി. വെള്ളിയാഴ്ച രാവിലെ എട്ട് മണിയോടെയാണ് 57 വയസു പ്രായം തോന്നിക്കുന്ന ആളെ ആനവാതുക്കല്‍ റോഡില്‍ മരിച്ച നിലയില്‍ കണ്ടെത്തിയത്.

പോലീസ് എന്നെഴുതിയ ടി-ഷര്‍ട്ട് ധരിച്ച ഇയാളുടെ ഇടതുകൈക്ക് കെ.എ.പി എന്ന് പച്ചകുത്തിയിട്ടുണ്ട്. നാട്ടുകാരാണ് മൃതദേഹം കണ്ടെത്തി പോലീസില്‍ വിവരം അറിയിച്ചത്. മരിച്ചയാളെ തിരിച്ചറിയാന്‍ കഴിഞ്ഞിട്ടില്ല. പോലീസ് സ്ഥലത്തെത്തി മൃതദേഹം ഇന്‍ക്വസ്റ്റ് നടത്തിയ ശേഷം കാസര്‍കോട് ജനറല്‍ ആശുപത്രി മോര്‍ച്ചറിയിലേക്ക് മാറ്റി.