കേന്ദ്ര-സംസ്ഥാന സര്‍ക്കാരുകളുടെ ജനവിരുദ്ധ നയങ്ങള്‍ക്കെതിരെ കലക്ട്രേറ്റ് മാര്‍ച്ച്; യുഡിഎഫ് ജില്ലാ നേതൃസംഗമം ഉമ്മന്‍ചാണ്ടി ഉദ്ഘാടനം ചെയ്തു

By Web Desk SUJun 19, 2017, 09:05 IST

കാസര്‍കോട്: (www.kasargodvartha.com 19.06.2017) മദ്യനയം ഉള്‍പ്പെടെ കേന്ദ്ര - കേരള സര്‍ക്കാരുടെ ജനവിരുദ്ധ നയങ്ങള്‍ക്കെതിരെ യു ഡി എഫ് ജൂലൈ ഒന്നിന് നടത്തുന്ന കളക്ട്രേറ്റ് മാര്‍ച്ച് വിജയിപ്പിക്കുന്നതിന് വേണ്ടിയുള്ള ജില്ല യുഡിഎഫ് നേതൃസംഗമം മുന്‍ മുഖ്യമന്ത്രി ഉമ്മന്‍ചാണ്ടി ഉദ്ഘാടനം ചെയ്തു. ജില്ല ചെയര്‍മാന്‍ ചെര്‍ക്കളം അബ്ദുല്ല അധ്യക്ഷത വഹിച്ചു.

എംഎല്‍എമാരായ പി ബി അബ്ദുര്‍ റസാഖ്, എന്‍ എ നെല്ലിക്കുന്ന്, ജില്ലാ പഞ്ചായത്ത് പ്രസിഡണ്ട് എ ജി സി ബഷീര്‍, മുന്‍ മന്ത്രി സി ടി അഹമ്മദലി, എ വി രാമകൃഷ്ണന്‍, കരിവെള്ളൂര്‍ വിജയന്‍, വി കമ്മാരന്‍, ഹക്കീം കുന്നില്‍, എം സി ജോസ്, പി കെ ഫൈസല്‍, കെ എം ഷംസുദ്ദീന്‍ എന്നിവര്‍ സംസാരിച്ചു. അഡ്വ. എം ഗോവിന്ദന്‍ നായര്‍ സ്വാഗതവും, സി മുഹമ്മദ് നന്ദിയും പറഞ്ഞു.