ദേശീയപാതയ്ക്കരികില്‍ നിര്‍ത്തിയിട്ട ചരക്കുലോറിയില്‍ നിന്നും 6 ടയറുകള്‍ മോഷ്ടിച്ചുകടത്തി

By Web Desk - MainJan 14, 2020, 11:30 IST

നീലേശ്വരം: (www.kasargodvartha.com 14.01.2020) ദേശീയപാതയ്ക്കരികില്‍ നിര്‍ത്തിയിട്ട ചരക്കുലോറിയില്‍ നിന്നും ആറ് ടയറുകള്‍ മോഷ്ടിച്ചുകടത്തി. നീലേശ്വരം കരുവാച്ചേരിയില്‍ പഴയ ബീവറേജ് ഔട്ട്‌ലെറ്റിന് സമീപം നിര്‍ത്തിയിട്ട ചരക്കു ലോറിയില്‍ നിന്നാണ് ആറു ടയറുകള്‍ മോഷ്ടിച്ചത്. ചെത്തുകല്ല് അട്ടിവച്ച് ഉയര്‍ത്തി നിര്‍ത്തി ടയര്‍ ഊരിക്കൊണ്ടു പോവുകയായിരുന്നു. ഒരു ലക്ഷം രൂപയോളം നഷ്ടം കണക്കാക്കുന്നു.

സംഭവത്തില്‍ ആരും പരാതിയുമായി എത്താത്തതിനാല്‍ പോലീസ് കേസെടുത്തിട്ടില്ല.