വിഷം അകത്ത് ചെന്ന് രണ്ടു വയസുകാരി മരിച്ച സംഭവം; മാതാവിനെതിരെ കൊലക്കുറ്റത്തിന് കേസ്

By Desk DeltaOct 27, 2019, 19:23 IST

കാസര്‍കോട്: (www.kasargodvartha.com 27.10.2019) വിഷം അകത്ത് ചെന്ന് രണ്ടു വയസുകാരി മരിച്ച സംഭവത്തില്‍ മാതാവ്, പെരുമ്പളക്കടവ് റോഡില്‍ ക്വാര്‍ട്ടേഴ്‌സില്‍ താമസിക്കുന്ന റുമൈസ (18)യ്‌ക്കെതിരെ വിദ്യാനഗര്‍ പോലീസ് കേസെടുത്തു. ഒരാഴ്ച മുമ്പാണ് റുമൈസയുടെ മകള്‍ മിസ്ബ മംഗളൂരു സ്വകാര്യ ആശുപത്രിയില്‍ വെച്ച് മരണപ്പെട്ടത്. സംഭവത്തില്‍ വിദ്യാനഗര്‍ പോലീസ് അസ്വാഭാവിക മരണത്തിന് കേസെടുത്ത് അന്വേഷിച്ചു വരികയായിരുന്നു. തുടര്‍ന്ന് പരിയാരം മെഡിക്കല്‍ കോളേജ് ആശുപത്രിയില്‍ നടത്തിയ കുഞ്ഞിന്റെ പോസ്റ്റ്‌മോര്‍ട്ടം നടപടികളില്‍ നിന്നാണ് മരണ കാരണം വിഷം ഉള്ളില്‍ ചെന്നതാണെന്ന് കണ്ടെത്തിയത്.