ഇരുചക്രവാഹനം അപകടത്തില്‍പ്പെട്ട് മാധ്യമപ്രവര്‍ത്തകനും പേരക്കുട്ടിക്കും പരിക്ക്

By Webdesk ViMay 15, 2019, 18:28 IST

കാഞ്ഞങ്ങാട്:(www.kasargodvartha.com 15/05/2019) ഇരുചക്രവാഹനത്തില്‍ നിന്ന് തെറിച്ചുവീണ് മുതിര്‍ന്ന മാധ്യമ പ്രവര്‍ത്തകന്‍ ടി മുഹമ്മദ് അസ്ലമി(67)നും പേരക്കുട്ടി മുഹമ്മദ് കബീറി(13)നും പരിക്കേറ്റു. തിങ്കളാഴ്ച്ച പുലര്‍ച്ചെ കോട്ടച്ചേരി ട്രാഫിക് സര്‍ക്കിളിലാണ് അപകടം.

അതിഞ്ഞാലിലെ വസതിയില്‍ നിന്ന് കോട്ടച്ചേരി നൂര്‍ മസ്ജീദിലേക്ക് പുലര്‍ച്ചെ പ്രഭാത നമസ്‌ക്കാരത്തിന് വരവെയാണ് അപകടം. അസ്ലമിന്റെ ഇരുചക്രവാഹനം ട്രാഫിക് സര്‍ക്കളിലെ കല്ലില്‍ കയറി തെന്നി വീഴുകയായിരുന്നു. വലതുകൈയും തോളെല്ലിനും വാരിയെല്ലിനും ക്ഷതമുണ്ട്. അസ്ലമും പേരകുട്ടിയും കോട്ടച്ചേരി സിറ്റി ആശുപത്രിയില്‍ ചികിത്സയിലാണ്.