പോലീസുകാരന്റെ ഹെല്‍മറ്റിനുള്ളില്‍ നായ്ക്കുരണപ്പൊടി വിതറിയ 2 പേര്‍ അറസ്റ്റില്‍

സംഭവത്തില്‍ സി.പി.എം പ്രവര്‍ത്തകരായ കുണ്ടംകുഴിയിലെ ഓട്ടോ ഡ്രൈവര്‍ വിനോദ് (28), പെയിന്റ്ംഗ് തൊഴിലാളി രാജേഷ് (27) എന്നിവരെയാണ് പോലീസ് അറസ്റ്റ് ചെയ്തത്. ഫെബ്രുവരി 21ന് രാത്രി പന്ത്രണ്ടുമണിയോടെ ഡ്യൂട്ടി കഴിഞ്ഞ് ബൈക്കില്‍കയറി ഹെല്‍മറ്റ് വെച്ച് ഓടിക്കുമ്പോള്‍ ശ്യാംകുമാറിന്റെ മാനസിക നിലതന്നെ തെറ്റി അപകടം സംഭവിക്കുന്ന അവസ്ഥയിലായിരുന്നു.

തലയിലും ചെവിക്കകത്തും കണ്ണിലും മൂക്കിലും നായിക്കുരണപ്പൊടി കയറിയിരുന്നു. ഓടിക്കൂടിയ നാട്ടുകാര്‍ പോലീസുകാരനെ സമീപത്തുള്ള വൈദ്യരുടെ അടുത്തെത്തിച്ച ശേഷം തൈരും മറ്റും ഉപയോഗിച്ച് ഭേദപ്പെടുത്താന്‍ ശ്രമിച്ചെങ്കിലും വിജയിച്ചില്ല. തുടര്‍ന്ന് ശ്യാംകുമാറിനെ വെള്ളിയാഴ്ച രാവിലെ ആശുപത്രിയില്‍ പ്രവേശിപ്പിക്കുകയായിരുന്നു. ഐ.പി.സി 308 വകുപ്പു പ്രകാരം നരഹത്യശ്രമത്തിനാണ് കേസെടുത്തിരിക്കുന്നത്.