വിവാഹ നിശ്ചയം കഴിഞ്ഞ ടിടിസി വിദ്യാര്‍ത്ഥിനിയെ കാണാനില്ലെന്ന് പരാതി

By Web Desk - MainApr 28, 2018, 18:07 IST

നീലേശ്വരം: (www.kasargodvartha.com 28.04.2018) വിവാഹ നിശ്ചയം കഴിഞ്ഞ ടിടിസി വിദ്യാര്‍ത്ഥിനിയെ കാണാനില്ലെന്ന് പരാതി. തൈക്കടപ്പുറം പുറത്തെകൈയിലെ 22 കാരിയെയാണ് കഴിഞ്ഞ ദിവസം മുതല്‍ കാണാതായത്. തലശേരിയിലുള്ള ഒരു യുവാവുമായി യുവതിയുടെ വിവാഹം നിശ്ചയിച്ചിരുന്നു. അടുത്തമാസം ആദ്യവാരം ഇവരുടെ വിവാഹം നടക്കേണ്ടതായിരുന്നു.

കഴിഞ്ഞ ദിവസം പ്രതിശ്രുത വരനോടൊപ്പം വിവാഹ വസ്ത്രങ്ങള്‍ വാങ്ങി വന്നശേഷമാണ് യുവതിയെ കാണാതായത്. അതേ സമയം യുവതി കളനാട് സ്വദേശിയായ യുവാവിനൊപ്പം ഒളിച്ചോടിയതായി സംശയിക്കുന്നുണ്ട്.