കൗതുകമുണർത്തി ഇടയിലെക്കാട് വാനരസദ്യ; ഇത് പതിനെട്ടാം തവണ
● ഉപ്പില്ലാത്ത ചോറും പഴങ്ങളും പച്ചക്കറികളും വിളമ്പി.
● കാഴ്ച കാണാനും സെൽഫിയെടുക്കാനും നിരവധി പേരെത്തി.
● വർഷവും മുപ്പതോളം വാനരന്മാർ സദ്യയിൽ പങ്കെടുക്കാറുണ്ട്.
തൃക്കരിപ്പൂർ: (KasargodVartha) ഇടയിലെക്കാട് നവോദയ ഗ്രന്ഥാലയം ബാലവേദിയുടെ ആഭിമുഖ്യത്തിൽ ഇത്തവണയും വാനരന്മാർക്കായി ഓണസദ്യ ഒരുക്കുന്നു. അവിട്ടം നാളായ ശനിയാഴ്ച രാവിലെ 10.30-നാണ് കൗതുകം നിറഞ്ഞ സദ്യ. ബാലവേദിയിലെ കുട്ടികളാണ് സദ്യയൊരുക്കുന്നതും വിളമ്പുന്നതും.
കാവിൽ വസിക്കുന്ന മുപ്പതോളം വാനരന്മാർക്കായി ഇത് പതിനെട്ടാം തവണയാണ് ബാലവേദി ഓണസദ്യ ഒരുക്കുന്നത്. ഉപ്പില്ലാത്ത ചോറിനൊപ്പം വിവിധയിനം പഴങ്ങളും പച്ചക്കറികളുമാണ് സദ്യയിൽ വിളമ്പുന്നത്.
കാവിനോരം പ്രത്യേകമായി നിരത്തിവെച്ച ഡെസ്കുകളിലും കസേരകളിലുമാണ് സദ്യ വിളമ്പുന്നത്. ഈ അപൂർവ കാഴ്ച കാണാനും വാനരന്മാർക്കൊപ്പം സെൽഫിയെടുക്കാനും റീൽസ് ചെയ്യാനും നിരവധി ആളുകളാണ് ഓരോ വർഷവും ഇവിടെയെത്തുന്നത്.
ഈ അപൂർവ കാഴ്ചയെക്കുറിച്ച് നിങ്ങളുടെ അഭിപ്രായം പങ്കുവയ്ക്കൂ.
Article Summary: Kids in Trikkarippur organize an Onam feast for monkeys.
#Onam #Kerala #Monkeys #Festival #Trikkarippur #Kasargod
