ഹൈടെന്‍ഷന്‍ വൈദ്യുത ലൈനിലേക്ക് മരം പൊട്ടിവീണ് ഗതാഗതം സ്തംഭിച്ചു

By Web Desk SUAug 14, 2018, 20:56 IST

മുളിയാര്‍: (www.kasargodvartha.com 14.08.2018) ഹൈടെന്‍ഷന്‍ വൈദ്യുത ലൈനിലേക്ക് മരം പൊട്ടിവീണതിനെ തുടര്‍ന്ന് ഗതാഗതം സ്തംഭിച്ചു. ബേവിഞ്ച - മുണ്ടക്കൈ - ആലൂര്‍ - ഇരിയണ്ണി റോഡിലാണ് ചൊവ്വാഴ്ച ഉച്ചയ്ക്ക് വലിയ മരം കടപുഴകി വീണത്. ഇതുകാരണം മണിക്കൂറുകളോളം ഗതാഗതം സ്തംഭിച്ചു.

വൈദ്യുതി ലൈന്‍ ഉള്ളതിനാല്‍ മരം മുറിച്ച് മാറ്റാന്‍ നാട്ടുകാര്‍ക്ക് കഴിഞ്ഞില്ല. വൈദ്യുതി അധികൃതരെ വിവരം അറിയിച്ചെങ്കിലും ജീവനക്കാര്‍ എത്താന്‍ വൈകി. പിന്നീട് വൈദ്യുതി ബന്ധം വിച്ഛേദിച്ചതായി അറിയിച്ചതിനെ തുടര്‍ന്ന് റോഡില്‍ വീണ മരം മുറിച്ചുമാറ്റി.