കാസര്‍കോട് സി.ഐമാരുടെ സ്ഥലംമാറ്റം ഉടന്‍
Aug 11, 2012, 00:10 IST
കണ്ണൂര്‍ സ്‌റ്റേറ്റ് സ്‌പെഷ്യല്‍ ബ്രാഞ്ചിലായിരുന്ന ടി.കെ. രത്‌ന കുമാറിനെ കണ്ണൂര്‍ സിറ്റിയിലും വിജിലന്‍സില്‍ നിന്നു വിനോദ് കുമാറിനെ കണ്ണൂര്‍ ടൗണിലും മാറ്റി നിയമിച്ചു. ആലക്കോട്ട് സി.ഐ ആയ കെ. ദാമോദരനെ സ്ഥലം മാറ്റിയെങ്കിലും പകരം നിയമനം നല്‍കിയിട്ടില്ല. അതേസമയം പ്രൊമോഷന്‍ ലഭിക്കുന്നതിനാലാണ് പകരം നിയമനം നല്‍കാത്തതെന്ന് പറയുന്നു.
എന്നാല്‍ ദാമോദരന് പുതിയ നിയമനം ലഭിക്കാത്തതിനു പിന്നില്‍ കാസര്‍കോട് ജില്ലയിലെ സ്ഥലംമാറ്റ പട്ടിക തയ്യാറാകാത്തതാണെന്നും സൂചനയുണ്ട്. കോഴിക്കോട് വിജിലന്‍സില്‍ നിന്നു പയ്യന്നൂരിലേക്ക് സ്ഥലം മാറ്റത്തിനു വിധേയനായ പി. മധുസൂദനന്‍ നായര്‍ ഇനിയും ചുമതലയേറ്റിട്ടില്ല. ഇതിനിടയില്‍ കാസര്‍കോട് ജില്ലയില്‍ സ്ഥലം മാറ്റത്തിനു വിധേയരാകാന്‍ സാധ്യതയുള്ള പോലീസുദ്യോഗസ്ഥര്‍ ഭരണതലത്തില്‍ സ്വാധീനം നടത്തിവരുന്നുണ്ട്.
ആഭ്യന്തരവകുപ്പിന്റെ നിര്‍ദ്ദേശപ്രകാരം ഇന്റലിജന്‍സ് തയ്യാറാക്കിയ ബ്ലാക്ക്‌ലിസ്റ്റിലുള്‍പ്പെട്ട ചില ഉദ്യോഗസ്ഥരാണ് നേതാക്കളെ അഭയം പ്രാപിച്ചത്. കര്‍ണ്ണാടകയില്‍ നിന്നുള്ള മണല്‍ക്കടത്തിന് എതിരു നില്‍ക്കുന്ന ഉദ്യോഗസ്ഥരെ സ്ഥലം മാറ്റി തങ്ങള്‍ക്ക് വഴങ്ങുന്ന ഉദ്യോഗസ്ഥരെ നിലനിര്‍ത്താന്‍ ഒരു നേതാവ് ശ്രമം തുടങ്ങിയതായും വിവരമുണ്ട്.
Keywords: CI, Police, Transfer, Kasaragod.
Tags
Share this story
