ബിജെപി പ്രവര്‍ത്തകനെ വീടുകയറി ഭീഷണിപ്പെടുത്തിയെന്ന് പരാതി; മൂന്ന് സിപിഎം പ്രവര്‍ത്തകര്‍ക്കെതിരെ കേസ്

By Web Desk SNAug 21, 2017, 10:43 IST

ബദിയടുക്ക: (www.kasargodvartha.com 21/08/2017) ബിജെപി പ്രവര്‍ത്തകനെ വീടുകയറി ഭീഷണിപ്പെടുത്തിയെന്ന പരാതിയില്‍ മൂന്ന് സിപിഎം പ്രവര്‍ത്തകര്‍ക്കെതിരെ പോലീസ് കേസെടുത്തു. ബിജെപി പ്രവര്‍ത്തകനായ വോര്‍ക്കുട്‌ലുവിലെ അഭിഷേക് യാദവിന്റെ പരാതിയില്‍ സിപിഎം പ്രവര്‍ത്തകരായ കുട്ടന്‍, നിഖില്‍, കണ്ടാലറിയാവുന്ന മറ്റൊരാള്‍ എന്നിവര്‍ക്കെതിരെയാണ് ബദിയടുക്ക പോലീസ് കേസെടുത്തത്.

കഴിഞ്ഞ ദിവസം രാത്രി 11 മണിയോടെ സിപിഎം പ്രവര്‍ത്തകര്‍ വീട്ടില്‍ അതിക്രമിച്ചു കയറി തന്നെ കൊല്ലുമെന്ന് ഭീഷണിപ്പെടുത്തുകയായിരുന്നുവെന്ന് അഭിഷേക് യാദവിന്റെ പരാതിയില്‍ പറയുന്നു.