ഡിവൈഎഫ്ഐ നേതാവിനെ 'ശരിപ്പെടുത്തുമെന്ന്' വാട്സ്ആപ്പിലൂടെ ഭീഷണി, 4 പേര്‍ക്കെതിരെ കേസ്

കാഞ്ഞങ്ങാട്: (www.kasargodvartha.com 27.03.2019) ഡിവൈഎഫ്ഐ നേതാവിനെ 'ശരിപ്പെടുത്തുമെന്ന്' വാട്സ്ആപ്പിലൂടെ ഭീഷണി. ഡിവൈഎഫ്ഐ ഹൊസ്ദുര്‍ഗ് ബ്ലോക്ക് കമ്മിറ്റി അംഗം അരയിയിലെ ശിവചന്ദ്രന് നേരെയാണ് വധഭീഷണി മുഴക്കുംവിധം പോസ്റ്റ് പ്രത്യക്ഷപ്പെട്ടത്. വാട്സ്ആപ്പ് ഗ്രൂപ്പിലൂടെ ഭീഷണ സന്ദേശം പ്രചരിപ്പിച്ച നാലുപേര്‍ക്കെതിരെ ഹൊസ്ദുര്‍ഗ് പോലീസ് കേസെടുത്തു. 'അരയി നമ്മുടെ നാട്' എന്ന വാട്സ്ആപ്പ് ഗ്രൂപ്പിലെ അംഗങ്ങളായ ബാബു, രാജു, ഹരിഹരന്‍, ദീപു എന്നിവര്‍ക്കെതിരെയാണ് കേസെടുത്തത്.

അരയി വയലില്‍ നിന്നും ഉപേക്ഷിക്കപ്പെട്ട നിലയില്‍ കണ്ടെത്തിയ നഗരസഭയിലെ ക്ഷേമ പെന്‍ഷനുമായി ബന്ധപ്പെട്ട അപേക്ഷ ഫോറങ്ങള്‍ ശിവചന്ദ്രന്റെ നേതൃത്വത്തില്‍ ഡിവൈഎഫ്ഐ പ്രവര്‍ത്തകര്‍ നഗരസഭ ചെയര്‍മാന് കൈമാറിയിരുന്നു. ഇതു സംബന്ധിച്ച വാര്‍ത്തകള്‍ നവമാധ്യമങ്ങളിലും മറ്റും പ്രചരിപ്പിക്കുകയും ചെയ്തിരുന്നു. ഇതിനു പിന്നില്‍ ശിവചന്ദ്രനാണെന്ന് ആരോപണമുണ്ടായിരുന്നു. ഇതാണ് ഭീഷണിക്ക് പിന്നിലെന്ന് സംശയിക്കുന്നു. പോലീസ് അന്വേഷണം ആരംഭിച്ചിട്ടുണ്ട്.