തിരുവക്കോളി സ്‌കൂള്‍ പ്ലാറ്റിനം ജൂബിലി ആഘോഷം തുടങ്ങി

തിരുവക്കോളി ഗവ. എല്‍പി സ്‌കൂള്‍ പ്ലാറ്റിനം ജൂബിലി ആഘോഷം കെ കുഞ്ഞിരാമന്‍ എംഎല്‍എ ഉദ്ഘാടനം ചെയ്യുന്നു.

 ഉദുമ: തിരുവക്കോളി ഗവ. എല്‍പി സ്‌കൂള്‍ പ്ലാറ്റിനം ജൂബിലി ആഘോഷം കെ കുഞ്ഞിരാമന്‍ എംഎല്‍എ ഉദ്ഘാടനം ചെയ്തു. പഞ്ചായത്ത് പ്രസിഡന്റ് കെ കസ്തൂരി അധ്യക്ഷയായി. വൈസ് പ്രസിഡന്റ് എ ബാലകൃഷ്ണന്‍, കെ എന്‍ അബ്ബാസ് അലി ആസിഫ്, പ്രമീള, എ കുഞ്ഞിരാമന്‍, യമുന, ബാലന്‍ അങ്കക്കളരി എന്നിവര്‍ സംസാരിച്ചു. ബഷീര്‍ അഹമ്മദ് സ്വാഗതവും കെ വി സൈജു നന്ദിയും പറഞ്ഞു. കോട്ടിക്കുളം ഗവ. യുപി സ്‌കൂള്‍ പരിസരം കേന്ദ്രീകരിച്ച് ഘോഷയാത്രയുണ്ടായി.
ലോക പരിസ്ഥിതി ദിനാചരണത്തിന്റെ ഭാഗമായി റോഡരികില്‍ വൃക്ഷത്തൈകള്‍ നട്ടുപിടിപ്പിച്ചു. പൂന്തോട്ടവും പച്ചക്കറിത്തോട്ടവും ഒരുക്കി. 18ന് ലൈബ്രറി, റീഡിങ് റൂം ഉദ്ഘാടനവും അമ്മമാരുടെ ലൈബ്രറിയും പുസ്തക പ്രദര്‍ശനവും നടക്കും. 2013 മാര്‍ച്ച് 31ന് ജൂബിലി ആഘോഷം സമാപിക്കും.

Keywords: Kasaragod, Uduma, Thiruvakolli, school.