കാസർകോട്ടെ ആദ്യ വനിതാ പോലീസുകാരി എ വി ഓമന എസ് ഐയായി സര്‍വ്വീസില്‍ നിന്നും വിരമിച്ചു

അജാനൂര്‍: (www.kasargodvartha.com 01.08.2019) ജില്ലയിലെ ആദ്യ വനിതാ പോലീസുകാരില്‍ ഒരാളായ കിഴക്കുംകരയിലെ എ വി ഓമന എസ് ഐയായി സര്‍വ്വീസില്‍ നിന്നും വിരമിച്ചു. 1991 ലാണ് ഓമന സര്‍വ്വീസില്‍ ചേര്‍ന്നത്. തുടര്‍ന്ന് കാസര്‍കോട്, ഹൊസ്ദുര്‍ഗ്, നീലേശ്വരം, ചിറ്റാരിക്കാല്‍ എന്നിവിടങ്ങളില്‍ സേവനമനുഷ്ഠിച്ച ശേഷം ബുധനാഴ്ചയാണ് എസ് ഐയായി വിദ്യാനഗര്‍ പോലീസ് സ്റ്റേഷനില്‍ നിന്നും വിരമിച്ചത്.

കാഞ്ഞങ്ങാട് കണ്ണന്‍സ് ടെക്സ്റ്റയില്‍സിലെ പുരുഷോത്തമനാണ് ഭര്‍ത്താവ്. കാസര്‍കോട് എക്സൈസ് ഉദ്യോഗസ്ഥനായ പ്രശാന്ത്കുമാര്‍, ഗള്‍ഫിലെ എഞ്ചിനീയര്‍ പ്രവീണ്‍കുമാര്‍ എന്നിവര്‍ മക്കളാണ്. കിഴക്കുംകരയിലെ ശ്രീജ ഹോട്ടലുടമ കുഞ്ഞിരാമന്‍-കുഞ്ഞിപെണ്ണ് ദമ്പതികളുടെ മകളായ ഓമനക്ക് പോലീസുദ്യോഗസ്ഥയാകാന്‍ പ്രേരണയായത് പോലീസ് ഉദ്യോഗസ്ഥനായിരുന്ന ഇളയച്ഛന്‍ കണ്ണനാണ്.

വിദ്യാനഗര്‍ പോലീസ് സ്റ്റേഷനില്‍ നടന്ന യാത്രയയപ്പ് ചടങ്ങില്‍ വെച്ച് ജില്ലാപോലീസ് മേധാവി ജെയിംസ് ജോസഫ് ഉപഹാരം നല്‍കി.