വൈദ്യുതി ബില്ലിനെ ചൊല്ലി തര്‍ക്കം; താമസക്കാരിക്ക് വീട്ടുടമയുടെ മര്‍ദനം

കാസര്‍കോട്: വാടക വീടിന്റെ വൈദ്യുതി ബില്ലിനെ ചൊല്ലിയുള്ള തര്‍ക്കത്തെ തുടര്‍ന്ന് താമസക്കാരിയെ വീട്ടുടമ മര്‍ദിച്ചു. കുമ്പള കോയിപ്പാടിയിലെ വിജയന്റെ ഭാര്യ സതി (38) ക്കാണ് ശനിയാഴ്ച ഉച്ചയ്ക്ക് മര്‍ദനമെറ്റത്. സതിയെ ജനറല്‍ ആശുപത്രിയില്‍ പ്രവേശിപ്പിച്ചു.

കുമ്പളയിലെ ജമീലയുടെ ഉടമസ്ഥതയിലുള്ള വാടകവീട്ടില്‍ താമസിച്ചിരുന്ന സതി അടുത്തിടെ അവിടെ നിന്ന് വീട് ഒഴിഞ്ഞിരുന്നു. എന്നാല്‍ താമസിച്ച സമയത്തെ വൈദ്യുതി ബില്ലിനെ ചൊല്ലി തര്‍ക്കമുണ്ടാവുകയും ജമീല തന്നെ മര്‍ദിക്കുകയുമായിരുന്നുവെന്നാണ് സതി പറയുന്നത്.

അതേ സമയം സതി തന്നെ മര്‍ദിച്ചുവെന്നാരോപിച്ച് ജമീല കുമ്പളയിലെ ആശുപത്രിയിലും ചികിത്സയിലാണ്.