ബൈക്കില്‍ കാറിടിച്ച് അധ്യാപകന്‍ മരിച്ചു

By Webdesk ViAug 9, 2017, 10:50 IST

ചെറുവത്തൂര്‍: (www.kasargodvartha.com 09/08/2017) ബൈക്കില്‍ കാറിടിച്ച് അധ്യാപകന്‍ മരണപ്പെട്ടു. നീലേശ്വരം ചായോത്ത് ഗവ. ഹയര്‍ സെക്കന്‍ഡറി സ്‌കൂളിലെ അധ്യാപകനും നീലേശ്വരം പട്ടേന സ്വദേശിയുമായ ശ്രീധരന്‍ മാസ്റ്ററാണ്(49) മരണപ്പെട്ടത്. ചൊവ്വാഴ്ച രാത്രി 10.45 മണിയോടെ ചെറുവത്തൂര്‍ വെങ്ങാട്ട് ചെക്ക് പോസ്റ്റിന് സമീപത്താണ് അപകടമുണ്ടായത്.

ശ്രീധരന്‍ മാസ്റ്റസര്‍ സഞ്ചരിച്ച ബൈക്കില്‍ എതിരെ വരികയായിരുന്ന കാര്‍ ഇടിക്കുകയായിരുന്നു. റോഡിലേക്ക് തെറിച്ചുവീണ് തലയ്ക്കും ദേഹത്തും ഗുരുതരമായി പരിക്കേറ്റ ശ്രീധരന്‍ മാസ്റ്റരെ ഉടന്‍ തന്നെ മംഗളൂരു ആശുപത്രിയിലേക്ക് കൊണ്ടുപോയെങ്കിലും മരണം സംഭവിച്ചു. ഭാര്യയും രണ്ട് മക്കളുമുണ്ട്. ചന്തേര പോലീസ് ഇന്‍ക്വസ്റ്റ് നടത്തി. ശ്രീധരന്‍ മാസ്റ്ററുടെ അപകട മരണവുമായി ബന്ധപ്പെട്ട് ചന്തേര പോലീസ് കേസെടുത്തു.