റോഡ് നിര്‍മ്മാണത്തിനിടെ ടാര്‍ മിക്‌സിംഗ് യന്ത്രത്തിന് തീപിടിച്ചു

By Web Desk SNJul 9, 2017, 16:00 IST

ഉപ്പള: (www.kasargodvartha.com 09.07.2017) റോഡ് നിര്‍മ്മാണത്തിനിടെ ടാര്‍ മിക്‌സിംഗ് യന്ത്രത്തിന് തീപിടിച്ചു. ലാല്‍ബാഗ് കായര്‍ക്കട്ടയില്‍ ഞായറാഴ്ച രാവിലെയാണ് സംഭവം. കൈക്കമ്പ- ബായാര്‍ റോഡ് റീടാര്‍ ചെയ്യുന്നതിനായി ടാര്‍ മിക്‌സ് ചെയ്യുന്നതിനിടെ യന്ത്രത്തിന് തീപിടിക്കുകയായിരുന്നു.

തൊഴിലാളികള്‍ വിവരമറിയിച്ചതിന്റെ അടിസ്ഥാനത്തില്‍ ഫയര്‍ഫോഴ്‌സെത്തി തീയണച്ചുവെങ്കിലും യന്ത്രം പൂര്‍ണമായും കത്തിനശിച്ചു. ഒരു ലക്ഷം രൂപയുടെ നഷ്ടം കണക്കാക്കുന്നു.