സമസ്ത സെന്റിനറിയുടെ ഭാഗമായി എസ് വൈ എസ് മുള്ളേരിയ സോൺ സംഘടിപ്പിക്കുന്ന സ്നേഹ ലോകം പരിപാടിക്ക് വ്യാഴാഴ്ച തുടക്കമാകും

മുള്ളേരിയ: (KadsargodVaartha) സമസ്ത സെന്റിനറിയുടെ ഭാഗമായി എസ് വൈ എസ് മുള്ളേരിയ സോൺ സംഘടിപ്പിക്കുന്ന 'സ്നേഹ ലോകം' പരിപാടിക്ക് വ്യാഴാഴ്ച, (ഒക്ടോബർ 23) തുടക്കമാവും. ഗാളിമുഖം മദീനതുൽ ഉലൂം കാമ്പസിൽ വെച്ചാണ് 'തിരുവസന്തം 1500' എന്ന പേരിൽ വിപുലമായ പരിപാടികൾ നടക്കുന്നത്.

പരിപാടിയുടെ ഭാഗമായി വ്യാഴാഴ്ച ഉച്ചയ്ക്ക് മൂന്നു മണിക്ക് പുതിയ വളപ്പ് മഖാം സിയാറത്ത് നടക്കും. സയ്യിദ് ഹസൻ അബ്ദുല്ല ഇമ്പിച്ചി തങ്ങൾ അസ്സഖാഫ് ഇതിന് നേതൃത്വം നൽകും. തുടർന്ന് വൈകുന്നേരം നാലു മണിക്ക് കർമ്മം തോടി മുതൽ ഗാളിമുഖം വരെ സ്നേഹ ജാഥ നടക്കും. ഈ ജാഥ സയ്യിദ് മുഹമ്മദ് അശ്റഫ് തങ്ങൾ അസ്സഖാഫ് ഉദ്ഘാടനം ചെയ്യും. വിവിധ നേതാക്കൾ സ്നേഹ സന്ദേശം കൈമാറും.

ഒക്ടോബർ 24 വെള്ളിയാഴ്ച വൈകുന്നേരം നാലു മണിക്ക് അഡൂരിൽ നിന്ന് സമ്മേളന നഗരിയിലേക്ക് കൊടിമര ജാഥ നടക്കും. നിരവധി പ്രവർത്തകർ ജാഥയെ അനുഗമിക്കും. കൊടിമരം നഗരിയിൽ സംഘാടകർ ഏറ്റുവാങ്ങും. തുടർന്ന് വൈകുന്നേരം അഞ്ചു മണിക്ക് സംഘാടക സമിതി ചെയർമാൻ പി എസ് അബ്ദുല്ലക്കുഞ്ഞി ഹാജി പള്ളങ്കോട് പതാക ഉയർത്തുന്നതോടെ പ്രധാന പരിപാടികൾക്ക് തുടക്കമാകും.

ഒക്ടോബർ 25 ശനിയാഴ്ച ആയിരത്തോളം പേർ പങ്കെടുക്കുന്ന ഗ്രാൻഡ് പ്രോഗ്രാം നടക്കും. അന്ന് രാവിലെ പത്ത് മണി മുതൽ വൈകുന്നേരം ആറ് മണി വരെ പ്രഭാഷണം, പഠനം, പാനൽ ഡിസ്ക്കഷൻ, പ്രകീർത്തനം തുടങ്ങിയ പരിപാടികൾ അരങ്ങേറും. 

ഹാഫിസ് അബ്ദുൽ മജീദ് സഖാഫി പള്ളപ്പാടി ഖിറാഅത്ത് അവതരിപ്പിക്കുകയും സയ്യിദ് ജലാലുദ്ദീൻ തങ്ങൾ അൽഹാദി പ്രാർത്ഥന നടത്തുകയും ചെയ്യും. സോൺ പ്രസിഡന്റ് സുലൈമാൻ സഅദി അധ്യക്ഷത വഹിക്കുന്ന ചടങ്ങ് എസ് വൈ എസ് ജില്ലാ പ്രസിഡന്റ് സയ്യിദ് സൈനുൽ ആബിദീൻ മുത്തുക്കോയ തങ്ങൾ കണ്ണവം ഉദ്ഘാടനം ചെയ്യും.

റഹ്മത്തുള്ള സഖാഫി എളമരം, സയ്യിദ് ജലാലുദ്ദീൻ അൽ ബുഖാരി, എം മുഹമ്മദ്സ്വാദിഖ് വെളിമുക്ക്, അബ്ദുൽ കെ അബ്ദു റഷീദ് നരിക്കോട്, അബ്ദുൽ ഖാദർ സഖാഫി കാട്ടിപ്പാറ, റഫീഖ് സഅദി ദേലംപാടി എന്നിവർ വിവിധ സെഷനുകൾക്ക് നേതൃത്വം നൽകും. 

വൈകുന്നേരം നാലു മണിക്ക് 'പൂർണ്ണതയുടെ മനുഷ്യ കാവ്യം' എന്ന വിഷയത്തിൽ സെമിനാർ നടക്കും. സി എൻ ജാഫർ സ്വാദിഖ്, എം ടി ശിഹാബുദ്ധിൻ സഖാഫി, ഡോ: വിനോദ് കുമാർ പെരുമ്പള എന്നിവർ സെമിനാറിൽ പങ്കെടുക്കും. 

സിദ്ദീഖ് സഖാഫി ബായാർ, ഹാരിസ് ഹിമമി പരപ്പ, യൂസുഫ് സഖാഫി കനിയാല, സ്വലാഹുദ്ദീൻ സഖാഫി, അബ്ദുറഹ്മാൻ സഖാഫി പള്ളങ്കോട്, ഹാഫിസ് സജ്ജാദ് ഹിമമി, അബ്ദു റസ്സാഖ് സഖാഫി, ജമാലുദ്ദീൻ സഖാഫി ആദൂർ, മുഹമ്മദലി കുണ്ടാർ എന്നിവർ സംസാരിക്കും. സവാദ് ആലൂർ സ്വാഗതവും ഹനീഫ അഡൂർ നന്ദിയും പറയും. 

പത്രസമ്മേളനത്തിൽ പി എസ് അബ്ദുല്ലക്കുഞ്ഞികുഞ്ഞി ഹാജി പള്ളങ്കോട്, സുലൈമാൻ സഅദി കൊട്ടിയാടി, ഹനീഫ ഹാജി അഡൂർ, സവാദ് ആലൂർ, സിദ്ദിഖ് ഹാജി പൂത്തപ്പലം, അബ്ദുൽ റഹ്മാൻ സഖാഫി പൂത്തപ്പലം, ഉമർ സഖാഫി മയ്യളം എന്നിവർ സംബന്ധിച്ചു.

ഈ വാർത്തയെക്കുറിച്ചുള്ള നിങ്ങളുടെ അഭിപ്രായങ്ങൾ പങ്കുവെക്കുക. 

Article Summary: SYS Mooleria Zone's 'Snehalokam' event as part of Samastha Centenary starts Thursday at Galimukham.

#Snehalokam #SamasthaCentenary #Mooleria #SYS #Galimukham #Thiruvasantham1500