എസ് വൈ എസ് ഹജ്ജ്‌സംഘം തിങ്കളാഴ്ച യാത്ര തിരിക്കും
Sep 15, 2012, 20:42 IST
രാത്രി ഒമ്പതുമണിക്ക് തളങ്കര മാലിക്ദീനാര്‍ മഖാമില്‍ സിയാറത്ത് നടത്തിയശേഷമാണ് പ്രത്യേക ബസില്‍ ഹാജിമാര്‍ കോഴിക്കോട് എയര്‍പോര്‍ട്ടിലേക്ക് പുറപ്പെടുക. ചൊവ്വാഴ്ച രാവിലെ ഹജ്ജ്ക്യാമ്പില്‍ നിന്ന് ഉംറക്ക് ഇഹ്‌റാം ചെയ്ത് ജിദ്ദ വഴി മക്കയിലേക്കാണ് ഹാജിമാര്‍ പുറപ്പെടുന്നത്. 600 ലേറെ ഹാജിമാരാണ് എസ് വൈ എസ് സംഘത്തിലുള്ളത്.
എസ് വൈ എസ് സംസ്ഥാന ഉപാധ്യക്ഷനും സമസ്ത കേന്ദ്ര മുശാവറ അംഗവുമായ സയ്യിദ് ഉമറുല്‍ ഫാറൂഖ് അല്‍ബുഖാരി തങ്ങളാണ് ചീഫ് അമീര്‍. ജില്ലയില്‍നിന്നും എം പി അബ്ദുല്ല ഫൈസി അമീറായുണ്ട്.
മാലിഖ് ദീനാര്‍ മഖാം സിറാറത്തിനും യാത്രയയപ്പ് സംഗമത്തിനും എസ് വൈ എസ് നേതാക്കളായ സയ്യിദ് മുഹമ്മദ് ഇബ്‌റാഹിം പൂക്കുഞ്ഞി തങ്ങള്‍ കല്ലക്കട്ട, ബി എസ് അബ്ദുല്ലക്കുഞ്ഞി ഫൈസി, പള്ളങ്കോട് അബ്ദുല്‍ ഖാദിര്‍ മദനി, സുലൈമാന്‍ കരിവെള്ളൂര്‍, ഹമീദ് മൗലവി ആലംപാടി, കൊല്ലമ്പാടി അബ്ദുല്‍ ഖാദിര്‍ സഅദി, ബശീര്‍ പുളിക്കൂര്‍, ശംസുദ്ദീന്‍ ഹാജി പുതിയപുര തുടങ്ങിയവര്‍ നേതൃത്വം നല്‍കും.
Keywords: Kasaragod, SYS, Hajj, Malik Deenar, Makah, Khozikod
Tags
Share this story
