സുറാബിന്റെ 'ഇങ്ങ് വടക്ക്' പ്രകാശനം ചെയ്തു; സാംസ്കാരിക കൂട്ടായ്മക്ക് സാക്ഷ്യം

കാസർകോട്: (KasargodVartha) കവിയും നോവലിസ്റ്റും ഗ്രന്ഥകാരനുമായ സുറാബിന്റെ 'ഇങ്ങ് വടക്ക്' എന്ന വേറിട്ട പുസ്തകം കാസർകോട് ജില്ലാ ലൈബ്രറിയിൽ നടന്ന ചടങ്ങിൽ സിനിമാ നാടക സംവിധായകൻ ഗോപി കുറ്റിക്കോൽ എഴുത്തുകാരി മൈസൂന ഹാനിക്ക് നൽകി പ്രകാശനം ചെയ്തു. 

കാസർകോട്ടെ മുപ്പതിലധികം എഴുത്തുകാരെയും കലാകാരന്മാരെയും ചേർത്തുപിടിച്ച് രചിച്ച കൃതിയാണ് 'ഇങ്ങ് വടക്ക്'. അധ്യാപികയും എഴുത്തുകാരിയുമായ പി.പി. ജയശ്രീ പുസ്തകപരിചയം നിർവഹിച്ചു. 

ഗ്രന്ഥകർത്താവ് സുറാബ് ആമുഖപ്രഭാഷണം നടത്തി. അഷ്റഫ് അലി ചേരങ്കൈ, ഗിരിധർ രാഘവൻ, ടോംസൺ ടോം, ബാലകൃഷ്ണൻ ചെർക്കള, ഹമീദ് കാവിൽ, പുഷ്പാകരൻ ബെണ്ടിച്ചാൽ, ഡോ. എം.എ. മുംതാസ്, കുട്ട്യാനം മുഹമ്മദ്കുഞ്ഞി, എ.എസ്. മുഹമ്മദ്കുഞ്ഞി, സന്തോഷ് ഒഴിഞ്ഞവളപ്പ്, ബാലഗോപാലൻ കാഞ്ഞങ്ങാട്, നാരായണൻ പേര്യ, വി.വി. പ്രഭാകരൻ, കെ.കെ. അബ്ദു കാവുഗോളി, സന്ദീപ് കൃഷ്ണൻ, ജാബിർ പാട്ടില്ലം എന്നിവർ ആശംസകൾ നേർന്നു. ആവണി ചന്ദ്രൻ കവിത ആലപിച്ചു.

ലൈബ്രറി കൗൺസിൽ സെക്രട്ടറി പി. ദാമോദരൻ അധ്യക്ഷത വഹിച്ചു. ഉണ്ണികൃഷ്ണൻ അണിഞ്ഞ സ്വാഗതവും രാഘവൻ ബെള്ളിപ്പാടി നന്ദിയും പറഞ്ഞു.

കാസർകോടൻ എഴുത്തുകാരുടെ ഒരു കൂട്ടായ്മക്ക് വേദിയായ ഈ പുസ്തക പ്രകാശനത്തെക്കുറിച്ച് നിങ്ങളുടെ അഭിപ്രായങ്ങൾ പങ്കുവെക്കുക. 

Article Summary: Surab’s new book 'Ingu Vadak' launched in Kasaragod.

#Surab #InguVadak #Kasaragod #BookLaunch #MalayalamLiterature #Kerala