അസം ദുരിതാശ്വാസ ഫണ്ട് വി­ജ­യി­പ്പി­ക്കുക: ചെര്‍ക്കളം

കാസര്‍കോട്: അസമില്‍ ന്യൂനപക്ഷ വിഭാഗങ്ങള്‍ക്കുനേരെ ബോര്‍ഡോ തീവ്രവാദികള്‍ അഴിച്ചിവിട്ട കലാപത്തില്‍ ദുരിതമനുഭവിക്കുന്നവരെ സഹായിക്കാനായി പള്ളികള്‍ കേന്ദ്രീകരിച്ച് മുസ്‌ലിം ലീഗ് നടത്തുന്ന ഫണ്ട്‌ശേഖരണം വിജയിപ്പിക്കാന്‍ എല്ലാവരും മുന്നോട്ടുവരണമെന്ന് ജില്ലാ മുസ്‌ലിം ലീഗ് പ്രസിഡണ്ട് ചെര്‍ക്കളം അബ്ദുല്ല അഭ്യര്‍ത്ഥിച്ചു.

അന്യായമായ കടന്നുകയറ്റത്തിലൂടെ കലാപം അഴിച്ചുവിട്ടപ്പോള്‍ അമ്പതിലേറെ പേര്‍ക്കാണ് ജീവന്‍ നഷ്ടപ്പെട്ടത്. നാലു ലക്ഷത്തിലേറെ പേര്‍ ഭവനരഹിതരായി. 360ലേറെ ക്യാമ്പുകളിലായി പലരും സ്വന്തം നാട്ടില്‍ അഭയാര്‍ത്ഥികളായി കഴിയുന്നു. നിരപരാധികളും നിരാലംബരുമായ പാവങ്ങളെ സഹായിക്കാന്‍ എല്ലാവരും മുന്നോട്ടുവരണമെന്ന് ചെര്‍ക്കളം അഭ്യര്‍ത്ഥിച്ചു.